「香港最後一個童話」黃子華作 鄭秀文 演唱會嘉賓 哄得淚人兒開懷大笑

文：Oscar 圖片：鄭秀文、黃子華facebook

「而我不知道 鄭秀文 是誰」

身為嘉賓之一的黃子華一上到台，就當著全場歌迷面前說自己跟鄭秀文合演《失戀急讓》時「唔算好熟」，但在一年多後，竟然收到Sammi邀請，請自己做嘉賓。

這番說話原來都是為了「擺安仔上檯」：「點解嘅，我哋唔識架喎！然後我上網，我睇YouTube，嘩，所有鄭秀文嘅嘉賓，都係同佢好有關係㗎噃，係咪？個個都有關係嘅，直到我睇到一個，哦！呢個衰過我，我搵到有人墊底……」然後子華就追溯到Sammi 2009年的演唱會……

Sammi Cheng fans (unofficial)（@ilovemi0819）張貼的相片 於 2016 年 9月 月 17 7:53上午 PDT 張貼

「2009年你嘅演唱會有個嘉賓出現咗，同你唱左一首歌㗎！我都識唱，有冇鼓勵？我係唔使音樂㗎，因為冇音樂嗰陣時我係最有音樂感㗎！我唱呢首歌，睇吓大家知唔知係邊個唱嘅？同埋大家睇住我點樣唱吓……」

#黃子華 #hkig#hongkong #sammi #sammitouchmi #concert #聲沙都goodshow #sharelove #sammicheng #touchmi2016 #touchmi2 Dansoada Fung（@dansoadafung）張貼的相片 於 2016 年 9月 月 17 9:44下午 PDT 張貼

然後子華唱出《其實你心裡有沒有我》的頭幾句歌詞：「若愛上你怎麼躲 換你迷人笑窩 而我每天總偷偷…摸你定想你㗎？」Sammi此時反應極快地答：「想！」，不過鬼馬的子華，怎會輕易放過這個大好機會：「想？想，使乜偷偷想啫？光明正大咁想，你都唔知我想啦，係咪？冇意思吓呢句歌詞，但最後尾佢兜番『總偷偷的想你 這應否算是傻』」

語畢，子華即打蛇隨棍上，問Sammi:「邊個唱嘅？」，令到她當場語窒，而全場觀眾隨即大叫「許志安！」。安仔被「擺上檯」，全段對話的重點來了……

Sammi喺前面囉，仲望邊度呀～ #Dayowong #黃子華
Fan of Dayo Wong（@dayowongig）張貼的相片 於 2016 年 9月 月 18 3:49上午 PDT 張貼

「許志安！你話係咪離譜？嗱，各位，我上黎犯嘅錯係咩呢？我同Sammi唔熟，係到扮熟，許志安，係好熟但就扮唔熟！」此時Sammi已經十分不知所措，面對金句王子華，她也只好緊張得不斷把玩手上的咪高峰。 作弄完二人一輪之後，子華眼見面前的Sammi已經笑得不能還口，但他仍未肯罷休，問道：「點解啲人咁想你同許志安一齊？哈！你唔使答，因為你係一個童話啊！」 子華形容她與安仔的關係是童話中的童話，肩負著社會意義及責任：「今時今日嘅香港，係少咗好多童話㗎啦！」，封咪後仍然能夠道出香港人的心聲。 子華話如泉湧，更化身成家庭輔導員，教Sammi被安仔鬧時，怎樣去應對……

#黃子華 #hkig#hongkong #sammi #sammitouchmi #concert #聲沙都goodshow #sharelove #sammicheng #touchmi2016 #touchmi2 Dansoada Fung（@dansoadafung）張貼的相片 於 2016 年 9月 月 17 9:43下午 PDT 張貼

「如果許志安鬧你，你係有權同佢講：『收聲！唔係為咗我，係為咗香港！我叫你去買豉油就買豉油，唔好駁嘴，大局為重！」，此話引得全場爆笑。

而玩得興起的子華，更岳父上身，催促她們快點生BB：「你呢個童話可以點樣最完美呢？真係，生個仔，我連你個仔個名都幫你諗埋，你個仔叫做『勝不許敗』，許志安個仔『許勝不許敗！』你哋三母子一齊走出嚟，嬴哂！許志安、鄭秀文，許勝不許敗！」

#Sammi#黃子華#17092016#touchmi2#許勝不許敗
BIBU 小白（@whitebibu）張貼的相片 於 2016 年 9月 月 17 9:33上午 PDT 張貼

原來子華這麼落力地搞笑，都是為了舖墊最後的那一句「許志安、鄭秀文，許勝不許敗！」，難怪二人一同從舞台機關離場後，全場均報以起落不斷的掌聲和歡呼聲。