黃宗澤舊愛玻璃朱不滿鄭秀文嘉賓冇TVB歌手 網民嘲:最錯係無請黃心穎
玻璃朱不滿鄭秀文演唱會嘉賓名單
鄭秀文一連13場的紅館演唱至今已邀請了多位歌手做嘉賓,包括Serrini、林家謙、張敬軒、陳凱詠、謝雅兒、鄧麗欣、COLLAR及周殷廷,而固定嘉賓還有許志安、JB和廿四味等,但這份嘉賓名單卻引起玻璃朱不滿,她在帖文中寫道:
一路睇Sammi演唱會嘅嘉賓,點解全部都係會上ViuTv嘅歌手?如果作為前輩提攜新人,佢又唔請下「聲夢」班人?或一個愛國愛港藝人?佢而家更接近完全脫離內地市場㖭,意向都好明顯下。帶著信仰大愛一點可以嗎?
![鄭秀文 仲有近日主https://www.orientalsunday.hk/wp-admin/media-upload.php?post_id=1323011&type=image&TB_iframe=1演ViuTV劇集《島嶼協奏曲》的Stephy鄧麗欣。(圖片來源:官方影片截圖)](https://imgs.orientalsunday.hk/wp-content/uploads/2024/07/03_1378308866669f3e282ba01-1024x715.jpeg)
網民:林峯都上過ViuTV
玻璃朱這段言論迅速在網絡上引起了熱烈討論,部分網民支持她的看法,認為應該給予更多機會給本地新晉歌手。也有不少網民認為請誰做嘉賓是Sammi的自由,玻璃朱不應指手劃腳,有網民則認為嘉賓名單並非由Sammi決定,亦有網民指出除COLLAR外,其餘的嘉賓均並非ViuTV旗下歌手,可以上勻兩間電視台。
不少網民留言指:「玻璃朱開口埋口淨係識聲夢,係咪當龍婷同輝智死嘅?」、「聲夢本身都開演唱會 ,邊有檔期」、「佢唔請黃心穎已經唔夠大愛。都係歌唱界新人,都係無咩機會上紅館。符合被邀條件。而且仲好有noise」、「最錯係無請韓紅同黃心穎做嘉賓!」、「會唔會有個可能性係聲夢人氣不及ViuTV歌手」、「我係咪要笑,林峯都上過ViuTV啦」、「點解唔問做咩唔請Taylor Swift,放棄國際市場?」、「可能係嬲緊無請佢」等。
屢被冠「黃宗澤舊愛」之名 網民:Bosco躺著也中鎗
此外玻璃朱曾自稱與黃宗澤(Bosco)有過5個月的姊弟戀,因此每次有玻璃朱的相關報導,不少媒體都會為她冠上「黃宗澤舊愛」之名,網民都紛紛笑指:「可憐躺著也中鎗的Bosco」、「佢先係最大苦主,鑊鑊都『玻璃朱舊愛』,咁就一世」、「誤入歧途」、「咁飢不擇食,抵俾人笑啦」、「呢一單係值得後悔一世呀」、「黃宗澤表示:點解要講我啲黑歷史?」、「黃宗澤污點,佢應該係10萬個後悔」等。
![鄭秀文 網民笑指黃宗澤躺著也中鎗。(圖片來源:IG@boscomine)](https://imgs.orientalsunday.hk/wp-content/uploads/2024/07/boscomine_1720252814_3406049933469983462_1574600831_299652264669f405b72a03-819x1024.jpg)
玻璃朱曾自爆同黃宗澤拍過拖
玻璃朱作為飲食界KOL,曾拍過TVB節目《我係小廚神3》和《媽媽唔易造》,又出過食譜,同不少圈中人相熟,並自稱黃宗澤舊愛。有指她是林峯契家姐,常跟林峯張馨月夫婦飯局,又跟張栢芝、姚子羚、陳凱琳等是好友,在其IG有不同明星的合照,十分高調。
玻璃朱亦曾自爆跟黃宗澤拍過5個月拖,發展過「姊弟戀」,二人見過雙方家人朋友,她又爆Bosco當時未大紅大紫,收入有限,會借佢架車用,不過出街食飯Bosco都會主動畀錢,所以玻璃朱話會遷就對方食平啲啲。可惜黃宗澤畀唔到安全感佢,最後因誤會而分開咗,玻璃朱指呢次戀情最傷,要飛去日本治情傷,分開後年多重遇,再見亦是朋友。
曾因不小心駕駛罪被判社服令
玻璃朱言行一向出位,曾多次高調撐楊明,又曾直指MIRROR「呢啲樣行落旺角大把啦」,引起網民熱議。此外玻璃朱曾被控不小心駕駛,事源她2022年初駕車於灣仔天樂里交界撞傷一名正橫過馬路的菲律賓藉男子,事發後拒「吹波仔」(提供呼氣樣本),最後被判社會服務令200小時,及停牌兩年及自費完成駕駛改善課程,並要罰款2,000元。她更被揭過去曾3次涉及交通的刑事記錄,牽涉2次不小心駕駛及1次酒後駕駛。
![鄭秀文 「玻璃朱」與娛圈中多位藝人關係密切,其中廣為人知是她曾高調撐楊明,楊明出演《機場特警》時,玻璃朱都有出post力撐。(圖片來源:IG@chubonnie)](https://imgs.orientalsunday.hk/wp-content/uploads/2022/01/-2022-01-28-11.14.53_176011759261f360b19521d.png)
曾參戰《中年好聲音》呻未被約面試 搵TVB高層求助
「玻璃朱」曾參加《中年好聲音》,並在社交網分享自己由報名到面試的經過,文中她大呻遲遲未收到面試通知,因而質疑無綫會篩選參賽者的參賽資格:「好多人同我講我哋呢啲背景身份嘅人TVB唔會俾我哋入圍,唔通真係?最後搵咗一位高層朋友查詢,佢過咗一日回覆話約咗我星期六嚟試音。但當時真係無人通知過。」
![鄭秀文 「玻璃朱」被傳媒報道指唱了約1分多鐘就被叮走,她在文中解釋《我要活下去》本身就係一首好短的歌(圖片來源:YouTube@東張+)](https://imgs.orientalsunday.hk/wp-content/uploads/2022/10/10_202159625634654878d998.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!