鄭伊健御准蒙嘉慧出山過戲癮 押後移居日本計劃留港過貼地生活

原文刊於《東方新地》

鄭伊健、蒙嘉慧鎖定移居福岡

伊健與蒙嘉慧拍拖七年結婚七年，過了兩個七年之癢反而愈愛愈恩愛，二人有共識不生育，享受二人世界想做就去做，身為日本達人的伊健近年在福岡置業，與Yoyo一年飛日本幾次，每次都逗留三個月，與半移居無分別。今年初伊健與Yoyo在日本慶祝結婚七周年，更被影到在福岡街頭踩單車，不過由於疫情爆發，二人被迫提前返港。

據知情者透露：「伊健喺日本有唔少物業，仲分布喺唔同地方，不過佢哋最鍾意就係福岡，香港人去日本唔使簽證，每次可以居留90日，只要唔使開工，佢哋差唔多每次都去到盡，唔係普通旅行咁簡單，當咗係另一個家喇！伊健係有計劃退休後長居日本，不過近排Yoyo好似想出番嚟拍嘢，《飛虎》出街後亦好多人關注同埋搵Yoyo合作，伊健亦好支持，佢覺得Yoyo對演戲仲好有熱誠，鼓勵老婆鍾意就去做，唯一條件係唔可以有太激嘅動作場面，因為Yoyo之前滑雪受傷，早年因為工作又五勞七傷，佢哋有晒共識等大家都想完全退休息影，先至搬去日本住。」

相處十四年來，伊健和Yoyo都與世無爭而且喜好一致，他們同樣喜歡做戶外活動，日前Yoyo更在IG上載與伊健甜蜜出海划直立板的短片，據知二人最近瘋狂愛上海上活動，更計劃買獨木舟。

遇到個啱key的終身伴侶，自然愈來愈恩愛，雖然46歲Yoyo最近被指拍劇出鏡歲月催人，老了又肥了，但她從來不介意亦崇尚自然，早前本刊記者見她與伊健到筲箕灣貼地食魚蛋粉，不施脂粉的Yoyo一身運動裝，不修飾地展露臉上的皺紋，伊健就是愛她的自然不造作。