鄭中基唔再做《美女廚房》 當年地獄廚神椋名凜現在竟變成……

原文刊於《東方新地》

鄭中基唔再做《美女廚房》劇癮起做慈父

據知情者透露：「其實上年年中ViuTV籌備開拍效法無綫《美女廚房》嘅遊戲烹飪節目，已經傾Ronald做主持，但Ronald就講明再做一定要搵埋小方、Edmond（梁漢文）一齊合作先拍，當年《美女廚房》大受歡迎，呢個鐵三角合體好貴，而且Viu嗰邊亦唔想完全copy無綫節目舊瓶新酒，最終傾唔成，不過Ronald放聲氣願意拍劇，對Viu嚟講絕對係好消息，睇番Ronald擔正拍劇，已經係02年嘅《我要fit一fit》，近年佢喺電影發展順利，再拍劇幾乎冇乜可能，不過Viu就畀好大自由度佢，角色亦為佢度身訂造，上年游學修監製ViuTV劇集《仇老爺爺》，已經搵過Ronald客串一集，今次Viu斟Ronald合作，角色好討好，係個任勞任怨嘅慈父角色，佢睇完劇本超級鍾意！」早已是廿四孝慈父的鄭中基，當然好願意將自己真實一面同觀眾分享，難怪ViuTV能夠成功打動他再拍劇！

《美女廚房》椋名凜錄影完後喊住走Ronald事隔多年拍片道歉

雖然未能看到三人合體的《美女廚房》，但節目中的經典場面仍然讓人難忘。其中一集邀得日本模特兒椋名凜參賽，節目中椋名凜著住件心口穿窿圍裙雖然吸睛，但廚藝實在不敢恭維，佢炮製的臭豆辣椒蝦及喇沙米粉，臭到一眾主持人戴著口罩試食，食完仲要狂嘔！

因為節目效果和主持本身的飲食習慣（Ronald 不吃冬菇同蝦醬），因為當日椋名凜被批評得體無完膚，後來錄影完畢，Ronald本想向她道歉，但她原來一早已經離開，後來更發現當日是椋名凜生日，因此更覺內疚。事隔多年，Ronald終透過 Youtube向她道歉了。

噴血地獄廚神椋名凜 變靚爆人妻廚藝大進

椋名凜早年喺香港發展得相當順利，成為街知巷聞的性感女神，2010年夏更加推出噴血寫真集，但同年年尾卻突然消失，原來係因為回國奉子成婚！椋名凜於2011年11月下嫁職業車手高村直樹。事隔多年，椋名凜如今已經係五個小朋友的媽媽，而且入得廚房出得廳堂，偶爾會為小朋友準備便當，廚藝大進！

椋名凜婚後做個幸福人妻，專心相夫教子，依家仲有成5個小朋友咁多！睇番椋名凜的近照，佢似乎都keep得幾好，更比以前多了一份成熟和賢淑，典型的日本靚太～

更重要的是，那些年的地獄廚神，現時廚藝大進，見到佢不時喺IG上載精心炮製給孩子的便當照片，望落款式多、賣相精美，而且多菜少肉，小朋友們真有口福！椋名凜回覆傳媒時，表示生小朋友後一直努力鑽研廚藝，現時煮得一手好菜。看來她已經成為真真正正的「美女廚神」了！

重溫椋名凜噴血經典

1979年出生的椋名凜現年41歲，早年曾獲封「日版Paris Hilton」，多年前膽粗粗隻身來港發展，身為日本索女本身已經加晒分，椋名凜更擁有迫爆火辣身材，肯搏肯露，走性感路線殺出一片天！依家一齊重溫經典噴血照～