網民： 搞乜鬼成隻水母咁樣 GEM繼「蟲蟲裝」後又一力作

撰文：占士@Central、C Lam@Central │圖片來源：IG、連登、節目截圖、東方新地｜編輯：占士@Central

網民： 搞乜鬼成隻水母咁樣 GEM繼「蟲蟲裝」後又一力作

其實阿GEM嘅造型已經唔係第一次出事，仲記得初出道阿GEM嘅打扮都正正常常，加埋把巨肺靚聲，難怪吸引到咁多粉絲。不過有網民話佢自從北上搵真銀之後，連造型都非常「迎合國情」，簡直係走在內地fashion尖端呀！

有網民話阿GEM呢套衫係阿婆底褲加螢光外套。

呢套就適合玩抖音拍學貓叫。

講到阿GEM近年嘅fashion力作，不得不提梗係呢套「蟲蟲裝」。貼身透視長裙確係吸睛嘅，不過無論係遠睇定近睇，阿GEM上身一條條嘅點綴，不論係粉絲定係尖酸刻薄嘅網民都口風一致咁話呢套超好得人驚呀！

唔知係咪因為網民反應太熱烈嘅關係呢？阿GEM後來嘅打扮似乎收斂咗唔少，似番一個正正常常嘅後生女啦。

不過阿GEM間中又會有失手嘅時候，搞到有網民話佢返內地做嘢做到連打扮都勁貼地。

比起阿GEM鄧紫棋嘅「蟲蟲裝」同「阿婆底褲」，佢最近呢啲打扮真係濕濕碎……點知網民發現佢近日又有驚人打扮，話佢呢套出海嘅look好似水母咁呀！

相關新聞：

鄧紫棋泳衣照晒玉背又晒股

阿GEM今年生日趁機推出新碟《另一個童話》慶祝，由昨晚開始就一連po出兩張大露背的泳衣照，火紅色的泳衣更襯得其肌膚白到反晒光！

G.E.M.趴在蚌形吹氣水泡上，令一身S形曲線更顯突出，網友更全將焦點集中在其拱起的Pat Pat上，笑佢出「股」惑！

之後GEM再晒多張企定定嘅背面照，睇嚟係想叫大家嘅視綫移番上去，睇佢晒白滑玉背！

GEM話今次係「family trip」，但就冇爆到地點，連好友林俊傑都好奇留言，問佢身處邊度？

其實一踏入夏天，GEM就坐遊艇出海，晒過三點式泳照，獲網友大讚身材good fit。

近日仲有不少朋友為GEM慶生！

講開GEM出道已經十周年，當年佢一出道就已經橫掃香港各大樂壇頒獎禮新人金獎，2012年更成為香港國際唱片業協會全年最高銷量香港女歌手，星途一片燦爛。

其後更因著在內地歌唱節目《我是歌手》表現出色，一炮而紅，成功打開內地市場，吸獲眾多粉絲支持！

參加大陸綜藝節目惹爭議！

你有freestyle嗎？唔知巴打絲打仲記唔記得呢一句？內地選秀節目《中國有嘻哈》第二季改名為《中國新說唱》，但係當節目公布明星製作人名單嘅時候，陳冠希就睇唔過眼就去寸咗兩句喎！

《中國新說唱》明星製作人有吳亦凡、MC HotDog、張震嶽、潘瑋柏同鄧紫棋GEM。

啲人就覺得GEM識唱歌唔等於識Hiphop，所以對個名單好不滿，好多人就話佢哋唔夠資格做導師。

就連陳冠希都走去MC HotDog嘅IG留言：「LOL Hahahah again on some BS.」「Rappers???? hahahahah u mean a stage full of bitches／not rappers right???」意思係話又係呢啲bullshit，又話佢哋唔係Rapper，個台上全部都係bitches。

好多人都支持陳冠希嘅講法，覺得節目唔尊重Hiphop！

但係GEM就一於少理，佢喺IG Post咗一段Rap，就寸爆睇唔起佢嘅人「誰能像我，早在二十五歲開百場的巡迴，LIVE從不對嘴。」

「要是不服的話，你高得上去嗎？」仲用佢嘅巨肺，唱咗一段高音，分明寸死你哋！