鄧紫棋被爆「刻薄員工9宗罪」網民：佢讀書時期已經⋯⋯

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jan 29 2021

鄧紫棋（G.E.M.)日前被內地傳媒以「金曲小天后」揞名選為「最討厭藝人」，指她唱功及創作一流，待人處事卻九流，人前人後兩個樣。上周更有一聲稱「前員工友人」向傳媒爆料，力數鄧紫棋9宗罪，大數呢位「衰老細」，結果惹來香港網友補多兩句爆更多黑幕⋯⋯

文：東方新地｜圖：鄧紫棋、男友Mark IG、微博

鄧紫棋和前經理人張丹反目後自組工作室，自此男友Mark擔任其造型師，大部分工作也由男友負責，如同經理人，情侶檔操控工作室上下大小事務。

鄧紫棋（G.E.M.)跟一手帶入行兼捧上位的經理人張丹反目後，在男友Mark力撐下自立門戶開工作室，自此不但把造型全交給男友Mark負責，連工作上接洽都全權交畀男友，升呢老闆的鄧紫棋，被指對待員工都屬世界級，該員工友人不值其所作所為，向傳聞披露呢位老細的真面目，力數9宗罪：

1. 紅日返工不獲補假

當藝人為人氣為賺錢當然無分紅日平日，只要有工作，全年無休都好正常，之不過鄧紫棋卻對公司員工都一樣睇齊，仲話做得呢行預咗，做娛樂圈呢行紅日開工當然好正常，但爆料者指她事後卻不肯補假給員工，同一份糧，工作超時不特止，更返凸無假放，呢啲老細…..﹗

2. 疫情賺千萬倒扣人工

鄧紫棋在疫情期間在內地工作不斷，收入不受影響，加上不用被前經理人抽佣，有指去年賺過千萬，爆料者指鄧紫棋本來答應向員工發花紅，但最後卻反口，而且還以同一原因扣員工們人工約30%，又迫令員工在疫情期間放無薪假，但由於鄧紫棋工作室員工不多，每位員工本身已身兼多職，兼任助手、宣傳、銷售、會計等，故對鄧紫棋搵到卻刻薄員工相當不滿。

疫情期間，鄧紫棋工作量不少，除了歌唱節目，亦成為不少綜藝節目的嘉賓，去年長留內地賺人仔。 — 疫情期間，鄧紫棋工作量不少，除了歌唱節目，亦成為不少綜藝節目的嘉賓，去年幾乎長留內地賺人仔。

3. 要求員工過橋抽板私下搵客

爆料者又指曾有客戶透過公關公司搵鄧紫棋表演，但鄧紫棋和Mark卻要求員工直接跟客戶聯絡，連公關公司的佣金都食埋，務求賺到盡。

鄧紫棋被指禁止傳媒問感情事，但轉頭卻貼合照放閃晒愛。聖誕時，她甜晒男友送贈的三角鋼琴，更穿上情侶裝攬實量愛。 — 鄧紫棋被指禁止傳媒問感情事，但轉頭卻貼合照放閃晒愛。去年聖誕，她甜晒男友送贈的三角鋼琴，更穿上情侶裝攬實晒愛。

4. 喜「問候」員工

爆料者又指鄧紫棋人前人後兩個樣，對紅藝人謙恭有禮，對員工卻態度奇差，稍有不滿意便大發雷霆，更會「問候」員工。

5. 當眾鬧阿媽

鄧紫棋不時晒母女合照以表孝順，爆料者卻爆她私底下對母態度好差，指鄧母有次買了隻名錶，令鄧紫棋相當不滿，當眾爆鬧阿媽﹗大家都見慣不怪﹗

6. 難為員工做衰人

爆料者又指鄧紫棋獲品牌邀請到外地參與時裝騷，每次男友如經理人師身分陪出trip，品牌會訂好酒店，以及有膳食費提供，但二人往往到米芝蓮級餐廳用膳，豪花過萬一餐，令公司員工要跟品牌公關多番周旋，品牌公關又要向公司交代，苦了大家﹗爆料者又話鄧紫棋會要求員工向有關單位施壓，要求在頒獎禮中壓軸出場，連綵排時間都要打尖等，員工代出面去做衰人﹗

7. 擅自削減髮型化妝費

鄧紫棋被爆近來削減化妝髮型的費用，因有感髮型化妝師有工開，全靠自己名氣帶挈，所以出此賤招減少支出。

鄧紫棋與化妝師、髮型師合作無間，男友Mark拍照記錄一下。 — 鄧紫棋與化妝師、髮型師合作無間，男友Mark拍照記錄。

8. 貪小便宜

爆料者指鄧紫棋在內地名氣高，品牌不但會把禮物送給她，更會向其助手員工等在大時大節送上禮物，以示合作愉快，但爆料者指鄧紫棋會連呢啲送員工的禮物都擸埋。平時若客戶提供保姆車，鄧紫棋會用到盡，放工照用車做私人事務，至凌晨十二時才放人，但若自己租車，卻只肯租數小時，算到盡﹗

9. 要求粉絲賠新包包

有指鄧紫棋對傳媒、公司員工都愛耍大牌、態度差，爆料者指原來對粉絲都唔好得幾多，指她在為內地粉絲簽名時，不小心弄污其名牌包包，不但當場黑面，更要求粉絲賠償買過一個新包包，真大咬。

網友回應：本身個人都拜金，讀書時期已經⋯⋯

鄧紫棋被爆刻薄員工被狂數9宗罪 — 鄧紫棋初中開始已不斷地參加各項歌唱比賽，更曾於一年內贏得五項歌唱比賽冠軍，不過就有指氣焰囂張得罪人多⋯⋯

鄧紫棋宇宙級進化變臉術媲美唱功

世事瞬息萬變，不過都唔夠圈中女星變臉快。化妝配合P圖術相輔相成隨著年月進步神速，女星靚樣一年進化幾個version實在唔係新聞，再加上人愈紅樣都會愈嚟愈靚是常識吧！更何況紅到上太空嘅鄧紫棋G.E.M.！最新IG圖片，G.E.M.五官精緻，尤其鼻翼離奇收窄，輪廓變得宇宙化，刀削臉木偶鼻成形，更同近年變大眾網紅樣的前花旦徐子珊撞晒樣！

鄧紫棋十年來輪廓「宇宙化」

當年仲係以新人姿態在《我是歌手》登場參加歌唱競技，結果一開聲一鳴驚人，一個節目徹頭徹尾改變歌唱事業，G.E.M.鄧紫棋瞬間由香港歌星仔變紅透華語世界萬人迷。經過多年北上耕耘，G.E.M.唔止升呢做內地選秀節目導師、獲選愛奇藝年度女歌手獎、聖誕新年檔更成為各地熱搶壓軸嘉賓！

撞樣姊妹

眼神矇矓、厚唇半張，最緊要都係大家都有個直不甩標準靚鼻，絕對有異曲同功之妙。

大頭照，嘴微張，再加埋相機 FILTER效果，其實唔止 G.E.M.同徐子珊，呢個都係網紅指定動作!

呢個紅唇紅地氈妝，有絕對理由懷疑 G.E.M.同徐子珊都用咗《少林足球》阿梅御用化妝師，鼻影方面相當重手。

男友操刀變靚

當年16歲出道天真無邪愛扮金魚嘴，如今29歲係宇宙級天后當然今時唔同往日，女大十八變最大功臣亦都要多得背後男人Mark。據悉Mark Ngai家底豐厚、外公王國旌係關之琳首任丈夫，16年搭上G.E.M.前，前度女友正是G.E.M.閨密JW，16年後則近水樓台，擠走經理人張丹老婆，拍住拖接任G.E.M.造型師職位。