25歲鄧卓殷處女拍劇《踩過界2》演16歲PTGF 加入《娛樂大家》撻著拍檔主持

新假期 - 影視

Nov 30 2020

廣告

2018年港姐亞軍鄧卓殷（Amber）處女參演無綫新劇《踩過界II 》中的一個單元，飾演一名做PTGF（PartTime Girl Friend）的16歲中學生，由於一出場就跳樓昏迷，成功令觀眾留下深刻印象，鄧卓殷直言這個角色有大量喊戲，對首次拍劇的她是一大挑戰，因此她在埋位前都要狂聽慘情歌來讓自己入戲。

原文刊於《東方新地》

鄧卓殷好硬頸事業學業同步進行

鄧卓殷於2018年參選香港小姐，獲得亞軍及最上鏡小姐後入行，她透露自己在入行前已開始修讀香港大學建築系碩士課程，並將於明年6月畢業，她直言：「兼顧工作同學業有時會比較吃力，但我好硬頸，覺得要做好一件事，就會朝住目標進發，唔想兩頭唔到岸。」

鄧卓殷於2018年參選香港小姐，獲得亞軍及最上鏡小姐後入行。

鄧卓殷在新劇《踩過界II》中首次挑戰吊威吔，及拍攝危站十幾樓高天台的跳樓戲，她笑言一點都不害怕：「平時我都冇畏高，仲可以同對面啲地盤朋友Say Hello，可能我有天份繼續拍呢類戲！」

鄧卓殷在新劇《踩過界II》飾演中學生，現年歲的她笑言：「我為咗呢套劇要將啲頭髮染番深色，變番學生妹，中學時嘅回憶都返晒嚟！」

鄧卓殷表示：「以前中學著長衫，今次係我人生第一次著要打tie嘅校服😝 #造型照」

提到跳樓墮到蔡思貝車頂一幕，鄧卓殷笑言幸得同場的張振朗和蔡思貝教授經驗：「佢哋都好細心咁教我點樣可以演得逼真啲，張振朗仲親身示範埋，啲假血我飲咗啖，係啲好杰嘅糖漿，我覺得超級甜，要即刻搵水飲呀！」

鄧卓殷自言性格樂觀，和角色設定有很大分別，拍攝前曾擔心自己情感發揮未能到位，她笑言：「拍跳樓戲之前，我已經喺屋企喊咗一整晚，逼自己入戲，同埋準備拍喊戲之前，我全程都塞住自己對耳仔，去聽一啲好慘情嘅歌，將自己從有其他人嘅環境中抽離。」

鄧卓殷透露近日正趁空檔時間跟武打女星楊盼盼學習纓槍和雙節棍，希望將來有機會做打女，她笑言：「老師形容我係辣椒仔，細細粒，有少少爆發力，加上我練過中國舞，啲筋鬆啲，對練武術都有優勢。」

鄧卓殷中學年代就讀協恩中學，其後升讀香港大學建築學院。

擁有22吋纖腰的鄧卓殷擅長烹調健康食品，更開設了一個YouTube頻道，和大家分享各種低碳、生酮的減肥食譜。

鄧卓殷是2018年港姐亞軍兼最上鏡小姐，同屆冠軍陳曉華亦已開始拍劇，早前更在無綫劇《迷網》中擔正做女二。

鄧卓殷自去年開始成為無綫遊戲節目《娛樂大家》主持之一，更因此撻著拍檔郭子豪，兩人早前已公開戀情，並表示會以結婚為目標進發。

將來還有什麼演唱會值得留意？

有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

娛樂熱話踩過界2 鄧卓殷