冥冥之中｜46歲郭羨妮與老公長期分隔兩地 復出拍劇演30歲陳嘉倩曾祖母

文：東方新地 ｜圖：郭羨妮IG、新傳媒圖庫

演30歲陳嘉倩曾祖母

曾有「最靚港姐」美譽的46歲郭羨妮（Sonija），自2015年拍攝完無綫劇《無雙譜》之後，已經相隔6年沒有接拍長篇劇集。早前Sonija應ViuTV邀請，接拍30集《冥冥之中》穿越劇，劇中講述由郭羨妮主理的公司，用連鎖效應死亡事件去平衡人口，題材創新。而46歲的Sonija更放下身段，飾演年齡只是相差16年，30歲前大台新聞主播陳嘉倩的曾祖母，Sonija果然唔話得！郭羨妮日前與蘇志威、陳嘉倩等人出席《冥冥之中》開鏡拜神活動，她指接拍長篇劇因為女兒經已9歲，開始獨立，也不用常常跟她做功課，所以多了時間，加上今次的角色從未試過，所以吸引她接拍。

郭羨妮全天候留港湊女攝時間拍劇

同內地武指兼導演朱少杰11年拉埋天窗的郭羨妮，經常被指女尊男卑，不過Sonija就繼續我行我素，近年更男主外女主內，老公朱少杰長期留在內地拍劇，Sonija則為照顧愛女Kylie而減產，前年客串完電影《尋秦記》，之後就全天候留港湊女，遇上新冠肺炎疫情，女兒不用上學的日子，Sonija便身兼家長與老師。據知，郭羨妮不時有劇組洽商拍劇，女兒還小的時候一直抗拒長時間拍劇，隨著女兒長大，她亦決定回歸劇組，日前郭羨妮在instagram上載靚相，展示自己已收到大疊劇本做定功課準備進組。

為女兒搬屋 為愛寵絕育身教女兒

陪伴一起十七年的貓咪去年離世，一家三口都非常不捨，郭羨妮早前就為囡囡Kylie添置新愛寵做伴，並親自帶愛寵去做絕育手術，超級有責任心！因女兒在何文田校網升小學，郭羨妮更由住開的清水灣半島搬到何文田新居。據知情者透露：「依家Sonija乜都以女行先，因為個女升上小學，喺九龍區校網返學，為咗唔想個女朝朝咁早起身唔夠瞓， Sonija索性賣咗將軍澳間屋，搬到學校附近住，慳番啲塞車時間，等個女唔使咁辛苦！」去 年 六 月，Sonija養了十七年的愛貓Meow離世，囡囡出世後就一直由貓咪Meow陪伴成長自然特別不捨，小朋友難以接受生離死別！早前Sonija便為女兒買了新寵物做伴。

早前Sonija便親自帶愛寵去做絕育手術，當日Sonija駕駛已經揸了近十年的Benz座駕去到何文田「港九寵物醫院」，原來其經理人一早已帶了她的新寵物到醫院等候做絕育手術，Sonija泊低車後便匆匆入醫院陪愛寵做手術，愛寵做完手術，Sonija先吩咐經理人將寵物放上車，她則在接待處畀錢，花了五千多元為愛寵絕育，超級有責任心！昔日電視城姣花，做咗人妻人母連德行都改變，做好榜樣身教女兒！

郭羨妮拍劇常過電

11年同內地導演朱少杰感情修成正果，不過愛情至上的郭羨妮，在TVB拍劇時就經常撻著拍檔。

2000年9月姣媾古天樂

郭羨妮以最靚港姐姿態首次拍劇，與古天樂在涿州合拍《尋秦記》，當時便有指她向古仔狂施姣功。

02年4月馬浚偉緋聞羅生門

拍攝無綫劇集《帝女花》，盛傳她主動追求陳豪，晚晚等男方收工，但之後又傳真命天子是馬浚偉，不過她懷疑馬浚偉借緋聞宣傳一度反目，至06年二人才破冰。

02年9月溫兆倫戲假情真

與溫兆倫拍《牛郎織女》戲假情真，被溫兆倫以菠蘿包攻陷芳心，甜蜜公開承認戀情，不過這段情只維持了三年，最終在05年分手。

05年10月暗撻馬德鐘

與有夫之婦馬德鐘在河南合拍《爭霸》而傳緋聞，當年更有指馬德鐘婚姻亮紅燈。

06年7月戀人夫陶大宇

跟陶大宇拍《學警出更》撻著，出軌陶大宇更為她拋棄糟糠之妻，郭羨妮因而被封「狐妮」。