郭柏妍丁子朗情侶檔示範健身動作 大膽程度嚇窒觀眾：我睇緊啲咩？

郭柏妍丁子朗情侶檔上陣 親身示範大膽健身動作

在《下流上車族》中飾演情侶的郭柏妍和丁子朗，昨日在《東張西望》亦以情侶檔身份上陣，親自示範大膽健身動作。郭柏妍率先要跳到丁子朗身上，以大腿夾實丁子朗條腰，然後再凌空做出仰臥起坐的動作。郭柏妍一跳上丁子朗身上已經非常危危扶，丁子朗亦毫不避忌地一手攬實郭柏妍條腰，一手捉實郭柏妍大腿。動作大膽程度嚇窒一班觀眾之餘，在場的其他演員亦睇到喂哇鬼叫，郭柏妍都做到面紅紅，場面既尷尬又好笑！

江美儀身穿背心露肌

除此之外，今年已經51歲的江美儀亦大曬fit爆身段，身穿黑色運動背心現身，先後示範多個健身動作，其中亦有與健身教練關曜儁一起示範情侶仰臥起坐動作。年紀有返咁上下，歷練比郭栢妍要多的江美儀做起仰臥起坐動作時，非常熟手之餘仲要面不改容！

大膽程度惹網民熱議：擺明益丁子朗

昨日《東張西望》一出街，即刻惹來大批網民熱議。不少網民認為郭柏妍和丁子朗所做的情侶健身動作太大膽，又替郭柏妍感到不值：「芊芊面都紅哂，好心大台唔好搞呢D破壞佢清純形象啦,」、「無人問阿教練，點解要夾住個男人做sit up」、「搞到丁丁耳都红」、「做gym都玩到咁意淫，大台真犀利」、「擺明益丁子朗」等。

估唔到啲健身動作咁高難度嘅！