郭晉安歐倩怡離婚｜物業分配1原因老婆全冇份！18年婚姻情斷

郭晉安物業分配 1原因老婆全部冇份

郭晉安與歐倩怡最終未能克服困難，選擇了分道揚鑣。郭晉安近年來已刻意減少工作量，專注於家庭生活。他的財產也不再是當年那位只住在300平方呎單位的小演員，現在他手持價值約9000萬元的物業。他在多年前的一次訪談中透露，由於歐倩怡不喜歡麻煩事，加上他認為應該將財產貢獻給社會，因此沒有將物業登記在家人名下，而歐倩怡也認同他的想法。

據悉，這些物業並未登記在歐倩怡或子女的名下。郭晉安擁有的物業包括西貢匡湖居、紅磡駿昇中心、太古城和荃運中心等。

歐倩怡郭晉安食得清淡 安仔：唔好意思請人嚟屋企食飯！

歐倩怡（Cindy）同56歲嘅郭晉安結婚18年，婚後誕下一子一女，老婆歐倩怡一直相夫教子外，依然好學不倦，近年專注進修食物及營養學課程，早前以一級榮譽的好成績學士畢業，現時已成為專業營養師，所以一家四口喺屋企會食得好健康，郭晉安早前接受訪問時坦言：

「其實我哋真係好健康，我哋健康到有時唔係幾好意思請人嚟我哋屋企食飯，因為我哋食到好淡，好怕人哋話『你畀啲咩我食呀！』我哋會食啲好新鮮嘅嘢，我哋食當日喺街市買嘅嘢，好簡單，以蔬菜為主，菜我哋唔落鹽又唔落油，真係劈嚿薑落去，烚熟就食。細路仔又唔會扁晒嘴嘅，佢哋都習慣咗。習慣到有陣時唔鍾意出街食，因為覺得好鹹，要搵水再沖，出去食佢哋會鍾意食西餐，食沙律、比較清啲嘅嘢，佢哋會接受啲。」

郭晉安又透露太太間唔中都會親自下廚：「好間唔中，有時都係交畀工人煮，但係如果佢煮，同一樣嘅嘢，佢煮嘅味道真係好出色！由佢唔識，開頭煮碟雞出嚟又鹹又苦，到依家煮得好好、好好食。」

郭晉安歐倩怡童話式婚禮

郭晉安與歐倩怡因拍攝旅遊節目而擦出火花，兩人拍拖七年後，於2006年在迪士尼樂園舉行婚禮。原來歐倩怡從小到大都很喜歡迪士尼卡通人物，而郭晉安為圓老婆心願，所以選擇了在迪士尼舉行婚宴。

同老婆試過冷戰半年險離婚

曾因拍劇而抑鬱的郭晉安，同老婆試過冷戰半年險離婚，加上兩公婆為仔女升學問題意見分歧，虎媽vs慈父經常嘈交，幸好，最終歐倩怡被老公隨遇而安性格馴服，唔再堅持催谷仔女做資優生，為減輕仔女功課壓力，近年更幫兒子令山轉校，同細女以雅一齊升讀國際學校。夫妻同心衝破困難，15年婚姻亦更堅固！