那些我演過的盲人角色！「電眼影帝」梁朝偉盲足4次！

原文刊於《東方新地》

麥明詩告別作《殺手》技 level up

麥明詩喺《殺手》歇斯底里嘅演出，無論行內人定網友，都係讚多過彈，其中伍詠薇就喺 facebook稱讚對方「意外驚喜，做得好好……期待，加油……」不過麥明詩要喺另一範疇加油嘞，因為佢已經暫別 TVB，加入國際著名管理顧問公司麥肯錫，專心當 OL，《殺手》成為佢嘅告別作。

王浩信《踩過界》扮盲贏視帝

王浩信喺劇集《踩過界》中眼盲心不盲，扮演正義大律師，仲令佢成為《萬千星輝頒獎典禮2017》「視帝」，事業大躍進，財源滾滾來！

劉德華《盲探》盲公竹變武器

劉德華主演嘅《盲探》，有好多動作鏡頭，盲公竹成為呢位神探嘅武器，棍棍有力好打得，最後當然敵不過鄭秀文這情關。

鍾欣潼《低一點的天空》挑戰盲人角色

鍾欣潼在電影《低一點的天空》中挑戰盲人角色，第一次扮演盲人嘅阿嬌於拍攝前，特意走去盲人中心及庇護工場體驗生活，投入演出令人眼前一亮。

任達華《小Q》扮盲最辛苦

影帝任達華扮乜似乜，但要講到最辛苦嘅，係佢喺電影《小 Q》中飾演嘅視障人士。由於電影有唔少室外場面，受猛烈陽光和劇組燈光影響，令佢好難做到雙眼失焦，直言又迷惘又困難，有一場戲拖住導盲犬過斑馬線，就足足拍咗六小時。

江嘉敏殘障、病人角色一籮籮

江嘉敏真係好不幸囉，喺《兄弟》入面患上認知障礙症，之後劇情仲要撞親頭墮海失蹤，《福爾摩師奶》又罹患失憶症，到《降魔的2.0》就演盲眼少女，希望下次 TVB啲監製、編劇唔好咁殘忍啦！