《那些我愛過的人》俏護士上位 29歲劉溫馨打變幻球

新假期 - 影視

Jun 22 2020

廣告

入娛樂圈打滾，除咗外形、實力、個性同際遇以外，仲有一樣嘢「魄力」都唔少得，講緊2013年選港姐入行嘅劉溫馨，當年大熱倒灶輸畀陳凱琳，明明中央戲劇學院本科畢業，可惜加入無綫咁耐就一直做二打六角色，難得佢從來冇諗過放棄堅持做好每一個小角色，終於捱到近期角色有名有姓又有對白，喺最新重頭劇《那些我愛過的人》中扮護士，標青五官襯埋制服誘惑，一出場即成為網友熱議話題。

原文刊於《東方新地》

中央戲劇學院表演系本科畢業，又係2013年港姐冠軍陳凱琳以外第二大熱，劉溫馨有樣又有實力，捱足七年角色愈嚟愈吃重，新劇《那些我愛過的人》有份做俏護士Mandy。

劉溫馨打變幻球身材話變就變

護士裝雖然養眼不過密密實實有啲翳焗？其實平時嘅劉溫馨上得山下得水又係瑜伽高手，身材 fit到漏仲好大方影埋好多靚相每日喺網上供應，follow 開嘅朋友多數都留意到，無論晚裝look、運動 look、水著 look、休閒 look，劉溫馨嘅衣著妝容打扮得宜，連上圍都識得隨著場合與衣著放大又縮細，時而平板時而逼爆，保守估計上落游離於 A cup 至 D cup 之間，娛樂圈失傳已久嘅鬼影變幻球眼見又出現新一代傳人，八姨太表示放心之餘，亦都覺得好好奇，點做到嘅呢？

劉溫馨最愛以低胸背心示人，經常喺IG派福利。

有實力之餘亦都有樣有身材，信心爆棚又愛戶外活動，劉溫馨周不時三點式上陣一樣好養眼。

著上bra top做gym，大騷事業線。

呢頭做gym上圍逼爆，轉頭突然縮cup，換上黑色吊帶上衣入鏡變番平板身材，時大時細變幻球快過變臉。

同樣側身加緊身上衣，粉紅色上衣目測最少D cup，而瑜伽look又冇乜料到，原來上圍都可以配合場合變大又縮細。

呢個素顏泳裝look條3吋事業線又出番嚟。

劉溫馨嘅身材實在好難觸摸。

劉溫馨如何指證對方為「食家」？

在林正峰公司清澄後的同日深夜，劉溫馨在個人社交平台上載一張在主題公園的遊玩照，更以「他約我去迪士尼」為題，文中的標示語亦別有用心⋯⋯詳見：劉溫馨疑似隔空反擊指證對方「他約我去迪士尼」

林正峰赴生日飯局暗示被人陷害？

林正峰在自己社交平台作出4大點回應澄清，除了強調自己是單身，字裡行間竟提及曾有一位前輩約他食生日飯，仲話⋯⋯詳見：林正峰傳搭上劉溫馨急發聲明自辯

關鍵詞

那些我愛過的人劉溫馨

資料或影片來源：原文刊於東方新地