叱咤2023｜網民唔想再係MIRROR圍威喂攞獎 呼籲投票給尹光爭最喜愛男歌手

叱咤2023｜連登仔呼籲全世界投尹光力撼MIRROR

近幾年MIRROR橫掃叱咤多個獎項，「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光！」為題開post，叫大家一齊出招大戰鏡粉。此post一出已經引起各方表示支持，更以3大理由表示一定要支持尹光：1：《Dear myself》真係好好聽好有意思；2：古天樂都得，尹光更加有資格；3：連AI都玩埋最潮係佢。網民紛紛留言：「《Dear myself》成首歌個概念同背後個意義有意思過好多歌」、「當年古天樂都係咁拎獎啦，尹光更加有資格」、「人地連AI都玩埋，完全唔老土」。

叱咤2023｜網民：只有MC先可以打低MIRROR！

不過都有網民覺得應該投MC張天賦，指MC才是最有機會打低MIRROR的人，不認同吹奏尹光的講法：「條友啲唱腔咁老土都吹奏，我投返MC算，起碼fxxkboy樣幾潮唱歌又好聽」、「走去投尹光呢啲口水歌歌手，咪又係玩爛香港樂壇，講得出投尹光你本身都唔在乎樂壇會點發展啦係咪」、「投MC先有機會打抵姜B，忍痛棄光B，全家投MC」。亦有網民叫大家繼續投姜濤，指姜濤感言好重花生好好睇：「其實識玩一定投姜，想睇多次佢發台瘟！」

叱咤2023｜當年古天樂都得 點解尹光唔得！

講到投尹光，不少網民都講起當年2018年古天樂被推舉做 「我最喜愛的男歌手」，認為真係一切都有可能！當年與古天樂爭獎的同期競爭歌手，有陳奕迅、張敬軒、陳柏宇、周國賢，而古生只有一首同謝安琪合唱的《(一個男人) 一個女人 和浴室》上榜。古天樂上台時都表示：「呢個世界真係好奇怪，真係會有奇蹟出現，我都可以行到上台攞呢個獎，我真係無嘢好講！」然後他更清唱咗10幾年前《男朋友》一曲，大受網民讚賞！

一齊睇片重溫！

現場投票失意義？「呃錢要人join貴plan」

入場門檻奇高的叱咤頒獎典禮，引來大批網民在社交平台上留言洗版表示不滿，不少更留言要求叱咤取消現場投票，認為現場投票失去原本的意義：「不如改制啦，入場投票巳沒有公信力，網上投票不是巳經有足夠數據顯示那首歌最受歡迎？」、「好討厭叱咤要人親身到場投票，才算是最喜愛的xxx，實際咪又係呃錢要人join貴plan。」、「商台表示『無錢學咩人追星呀』」、「呢兩年炒到天價，唔係鏡粉都好難入場，仲現場投票，有意義嗎？」等。

鏡粉被指「玩爛」叱咤票選機制

除此之外，亦有樂迷留言將矛頭直指MIRROR及一班鏡粉，事關有消息傳出不少鏡粉都為了替心愛的偶像投票，上網用太空卡投票之餘，又課金門票又炒黃牛飛，令其他樂迷都一票難求，令到「我最喜愛」的獎項都變成「我的粉絲最有錢和時間歌曲獎」。

重溫2000 – 2021年我最喜愛的歌曲名單及票數

「叱咤樂壇我最喜愛的歌曲大獎」是叱咤樂壇流行榜頒獎典禮每年的重點獎項，由第一屆即1988年起已有設立。1994年，商業電台為鼓勵原創歌曲，曾將獎項易名為「叱咤樂壇我最喜愛的本地創作歌曲大獎」，翌年改回現名並沿用至今。2019年及2000年因安全理由和疫情而取消實體頒獎，到2021年才重啟現場實體投票及「唱票」環節：