27歲貝依霖推出限量NFT寫真 300張靚相大晒冷 真空上陣外拍嚇親途人

貝依霖推出限量NFT寫真

27歲的貝依霖（Chantale）花盡心機拍攝是次寫真項目，她透露最終揀選了300張相做第一階段的NFT，至於用甚麼準則及條件去挑選，每張有獨特性的靚相，Chantale說：「主要考慮粉絲喜歡我甚麼造型，因為NFT與傳統寫真有多少區別，理論上可以永續保留，所以非常用心拍攝及選擇，有些特別有mood是自己比較喜歡的。」在辛苦拍攝背後， Chantale分享一件趣事，她說：「在海傍拍攝時有個釣魚叔叔一真看着我們拍攝，因為幾個造型要真空上陣，團隊指釣魚叔叔看得目定口呆。」Chantale難忘為是次拍攝節食兼加強運動操練，她笑言：「好彩瘦身不瘦胸﹗」

貝依霖寫真NFT成新趨勢

本身亦有投資加密貨幣及NFT的Chantale，對寫真轉化成NFT感到創新，她說：「團隊往後提供的賦能是最吸引到我，這個新概念不單止買張相，亦是建立一個牢固關係社群，相信往後推出寫真NFT將成為新趨勢，其實現在不論演唱會、會員卡，都漸採用NFT，至於是否值得投資就要看往後佈局。」

貝依霖爆童年悲慘經歷

其實貝依霖曾為杜汶澤的喱騷節目任主持，在其中一集《為何深夜總是餓》中，二人一起煮四川菜「干煸四季豆」，兩位主持喺煮餸期間，而杜文澤就問起女主持貝依霖嘅婆婆係四川人，之後就揭開貝依霖嘅一段悲慘童年經歷！

貝依霖就講到自己細個時居無定所，「我婆婆係四川人，佢有湊過我一段時間，有一、兩年，因為我屋企人唔係點湊我。即係可能揼下去阿婆嗰度，揼吓去同學度，揼吓去阿嬸度，咁樣大㗎。」，更直言自己好憎父母，直言當父母已不在人世。

貝依霖之後就解釋自己憎父母嘅原因除自小冇點照顧佢之外，原來爸爸更會出手打貝依霖，仲會打到爆晒缸。

除咁將十幾條藤條綁埋一揸打，更會用玻璃煙灰缸扻落個頭度，唔係當時人講，隨時以為係大台劇嘅劇情！

悲慘童年有原因

至於點解會不時被爸爸打，貝依霖就指因為爸爸更年期，加上後來生意唔好，同時亦因為爸爸覺得個女腳頭唔好，所以特別唔鐘意自己！

而聽到貝依霖經歷嘅阿澤原來都有經歷類似情況，表示自己爸爸好賭之餘亦愛嫖，輸錢返到屋企就會對家人郁手郁腳。有次面對咁嘅情況，當時年紀少少嘅阿澤就話：「我喺廚房攞把刀出嚟，五年班，我話你唔好再郁手啦」，結果杜爸爸好驚之後離開。當然，攞刀對住人嘅行為絕唔鼓吹，皆因太危險！

呢集出街後，唔少網民隨即留言，為貝依霖細個的悲慘經歷感到難過。

另外，亦有網民留言指自己身同感受，皆因細個時嘅經歷就同貝依霖一樣。