貝依霖撐好友 變自身難保

貝依霖曾於杜汶澤的網台「喱騷」做節目主持而為人熟悉，日前她曾於IG限時動態聲援近日引起全城討論的捉姦片女主角Alva，貝依霖承認Alva是她的朋友，更轉發對方的回應文，鬧爆男方「得不到就要摧毀」，抱打不平之後貝依霖竟成為下一個遭爆料的目標。

貝依霖自言未有本事

近日她被「富貴KOL」Sean Lam爆料指在有老細包之餘，仲會貼錢包小鮮肉，為此貝依霖在她的IG限時動態急出聲明兩度反擊，首先指該謠言冇新意：

「其實都傳咗咁多年，包我嘅人你喺邊度啊？hello 出嚟打個招呼好嗎，我搵你搵得好辛苦。唔知點解突然就好似同我好熟，講我好多嘢似層層咁。」

貝依霖更強調：「如果真係有嘅話，我真係唔介意畀人講，因為畀人包同埋包小鮮肉都係一種本事。你哋都唔知我渴望咗幾多年，辛苦命要靠自己，好可惜不得不承認我暫時未有呢個本事。」

貝依霖性感無極限

於2012年以新人出道的貝依霖，同年已參與電影《天生愛情狂》演出，到2018年加入杜汶澤網台主持多個節目如《今晚poke嘢夜唔夜》，每次都性感上陣加出位言論火速走紅。此外，身材惹火的貝依霖極愛跳鋼管舞，經常在社交網分享高難度動作短片，除了曾推出限量NFT極性感寫真，更不時在酒店穿褻衣影相益街坊。2019年貝依霖受邀成為ViuTV 節目《晚吹 – 女學生．吹水班》第9集嘉賓，同年參演吳浩康《天下烏鴉》MV演出。

網民Recap袁詠儀金句「拍拖唔算包」

近年貝依霖幕前演出明顯減產，但個人社交網卻更新頻密，食好西歎靚酒出入酒店打卡，當中大部份是性感裝束加超誘人動作，因此被封最人氣高企的性感女神。其實網民一直都非常留意貝依霖的動向，今次見她反擊被包養，即留言熱討，有網民指她戴定頭盔：「鋪路比自己，就算比人爆都兜到！」、「如果XX清咪唔算包囉」、「曲線話自己有本事」、「咁X緊張即係一定有」、「成日去食去玩，除非屋企有米，如果唔係就叔叔有米」，就連袁詠儀早年受訪時曾講的「拍拖唔算包」都被重提。

大量酒店房褻衣圖

袁詠儀曾於張智霖面前認做小三 含淚指「我以後也要告訴小朋友我做錯了」

關於當年袁詠儀（靚靚）被富商包養的舊事，其實袁詠儀不止一次公開承認，更孖曾與老公上內地綜藝節目《魯豫有約一日行》時，在老公前含淚坦言承認當年做小三，及後更醒覺「最對唔住一個人」！

袁詠儀多次鏡頭前認做小三

如果大家仲有印象，2007年前嘅《志雲飯局》中，生咗囝囝張慕童無耐、當時36歲嘅袁詠儀，首次於節目中承認做過小三，大約90年代初，曾愛上一個有婦之夫嘅富商。由於當時該富商對靚靚生活上嘅照顧無微不至及帶俾佢無限感動下，如「20歲生日給我送上20種不同的花」，故令年輕嘅靚靚「蒙住了我雙眼令我看不到他是有妻子的。」

當時嘅靚靚更坦言同對方係男女朋友嘅關係，所以唔明白點解會被外界稱為包養。

含淚指當年天真累事

12年後，靚靚再於《魯豫有約一日行》談到當年該段情，不其然含淚：「我唯一後悔的我覺得是傷害到他，我想坦誠的是把我的人生的經驗說出來，我覺得就是傷害了他，唯一後悔的是這樣。你們可以繼續往我來，但是不要是他，不要是我愛的人。」

「我以後也要告訴小朋友我做錯了」

靚靚繼指：「當初就是天真嘛，我以為我說出來會讓一些人能夠更多的理解我了解我。我做錯了事情我願意承受，因為我覺得那個是騙不了人的，我以後也要告訴小朋友我做錯了甚麼事情。我真的是錯了就要承認，但是我沒想要出來就是傷害他。」

唔再在乎大家點睇

另外，對於「小三」呢個標籤，靚靚經過多年後似乎亦已經睇透、唔再在乎大家點睇佢：「有些時候我覺得可能很自私，我的想法是我不在意你們怎麼想，我不可能做到每一個人都喜歡，那算了吧！最重要是他（張智霖）喜歡我就可以了。」

上節目扯火轟女藝人 袁詠儀霸氣擊退老公飛來蜢

風水輪流轉唔到你唔信，兩屆金像影后袁詠儀當年戀 上歌星仔張智霖被指女尊男卑，家陣女方淡出男方食咗防腐劑一樣愈戰愈勇變男神；當年主動追求一手擊退許秋 怡，今時今日就輪到袁詠儀在Viu Tv節目中大爆由拍拖到 結婚，Chilam身邊不斷出現飛來蜢，26年來一直考驗智 慧同EQ經歷長期奮戰喎！最終戰果如何？ 26年後都只有 一個Chilam嫂，最後贏家當然就係御夫有術的袁靚靚啦！

節目扯火轟女藝人 袁詠儀霸氣擊退老公「飛來蜢」

入行早成名，24歲已經冧莊做金像影后，所以袁詠 儀婚後放緩幕前工作，重心放在湊仔御夫終身事業 上。近年少拍戲、間中曝光內地真人騷賺吓人仔，前年袁詠儀難得在本地電視台蒲頭，受陳海琪之邀擔任ViuTV清談節目 《大星講》嘉賓。

袁詠儀試過畀老公幕前拍檔當透明

當陳海琪問到與Chilam拍拖到結婚有 冇試過被其他女性企圖或意圖入侵時，性格一向爽直又 敢言嘅靚靚即時大把嘢爆，話去探Chilam班試過被女演 員當透明，又試過有女藝人煲湯博好感喎！

女藝人煲湯搏親近 Chilam拎返屋企請老婆飲

原來Chilam除咗天然防腐仲係天然呆，女藝人請飲湯水博親 近，Chilam竟然斗膽帶埋返屋企請老婆飲。

重提舊事情緒激動、反白眼

雖然靚靚在節目中情緒激動不斷反白眼，但始終都係陳年舊事，近年Chilam不 時公開發表「一世愛老婆至係真浪漫」愛妻言論，事實證明靚靚身份地位從來不受動 搖，所以日前淡淡定出動去銅鑼灣貴價超市，為老公同仔仔魔童採購靚牛靚生果，日子照舊咁過。

Chilam係公認美魔男神，其實靚靚一樣keep得到，即使不施脂粉披著長髮 行超市，一樣有星味。

御夫等同「放風箏」

如何擊退飛來蜢？其實除咗節目中表示會問責Chilam外，靚靚 都曾經在訪問中表示拍《金枝玉葉》向劉嘉玲請教過御夫術：「嘉玲當年教我對男人 或老公，要好似放風箏一樣，放佢出去，適當時候要拉佢返嚟。我用咗呢個方法好多年，依家我畀佢出去同朋友吃飯，佢反而主動打嚟問我，點解唔打個電話睇吓佢 喺邊喎！」真係萬試萬靈，定還是Chilam同朝偉一樣專一又顧家呢？

惹火男神 同佘詩曼多次合作

到底係邊個女藝人同Chilam拍戲當Chilam嫂 係透明？又係邊個用靚湯攻勢偷襲Chilam？以下 咁多位同Chilam傳過戲假情真之女藝人都有嫌疑。

1994年孖朱茵拍《射雕英雄傳》，由於郭靖黃蓉角色太經典、二人外形又太登對，一度傳出緋聞，不過套劇播完後亦都告一段落。

無論電影定電視，Chilam同佘詩曼歷年都有多次 合作，緋聞屬2000年拍《十月初五的月光》時傳得 最盛。有傳靚靚怕咗電視台發電機多次探班監 場，翌年亦正式註冊索性將Chilam私有化。

2006年拍攝內地劇《紅粉》時亦有傳女拍檔郭可盈主 動出擊，搞到靚靚要北上逼供，又要全天候監場 睇實老公。

在無綫合作多次電視劇之前，97年Chilam同黎姿 合作電影《豪情蓋天》時，靚靚都試過為監場傳聞 與黎姿掀起罵戰。

IG微博曬靚相

袁詠儀同老公張智霖早前帶同囝囝魔童，一齊去咗非洲肯尼亞旅行。袁詠儀喺IG同微博曬靚相，一家三口，手拖手喺非洲大草原上漫步，再加上斜陽夕照，場面真係非常溫馨！

非洲草原一望無際，真係影相都靚啲！唔怪得袁詠儀喺IG留言：「肯尼亞之旅，感恩！」。

當時12歲嘅魔童，經常望遠鏡不離身，當地風景一定好靚！

一家三口影全家福，魔童一樣唔捨得放低個望遠鏡。

除咗佢哋一家三口，仲有一大班朋友同行，

見到咁靚嘅大自然景緻，呢趟旅程一定非常難忘！