請1日假去旅行｜何沛珈心口大解放！肯搏肯露受力捧憑《愛回家》彈起

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Mar 18 2023

無綫最近熱播的旅遊節目《請1日假去旅行》，由《香港小姐再競選》冠軍何沛珈(Roxanne)與亞軍李芷晴（Stephanie）擔任主持，兩位姊妹花帶大家遊泰國，何沛珈一到埗就大解放，整個旅程玩得好盡情，無論酒店嬉水、做Spa定化身大學生，何沛珈都施展渾身解數，為觀眾帶來最佳視覺效果，難怪節目咁受歡迎…

何沛珈曼谷天氣熱辣辣，何沛珈換上泳裝，於酒店的泳池沐浴陽光，大晒美好身段，畫面養眼。 — 曼谷天氣熱辣辣，何沛珈換上泳裝，於酒店的泳池沐浴陽光，大晒美好身段，畫面養眼。（圖片來源：無綫提供）

請1日假去旅行｜何沛珈表現狂野一面

何沛珈與李芷晴一到埗曼谷機場即時除口罩、剝大褸實行大解放！相比起李芷晴的怕醜，何沛珈的表現較放，在好姊妹生日當晚更一早準備猛拍賀壽，點知自己都被猛男捉手仔摸胸肌，何沛珈當場笑言：「佢哋好濕，因為啲汗，搞到我隻手都濕埋！」之後二人又穿上泰國大學校服，去到當地著名學府朱拉隆功大學打卡，何沛珈表示多年冇著校服，重拾青春的感覺。

何沛珈一到曼谷榣機場即除衫，何沛珈個樣幾high。 — 一到曼谷榣機場即除衫，何沛珈個樣幾high。（圖片來源：無綫提供）

何沛珈李芷晴酒店嬉水盡騷fit爆身型

兩位靚女亦有齊齊穿上泳衣，於酒店泳池和陽光玩遊戲，大晒Fit到漏身材，唔好以為何沛珈的兩件頭好普通，其實心口開大窿，好性感。何沛珈坦言事前做足準備：「最擔心嘅嘢就係過年之後食多咗，去之前嘅一個星期就戒口食清啲同埋做運動，仲帶埋跑步套裝諗住有時間就跑吓步去水腫，不過因為拍攝行程緊湊，所以都完全冇時間去跑步，但係其實每日行咁多路都已經好足夠。」她更分享去水腫貼士：「就係著泳衣之前浸一浸浴！」

何沛珈兩位靚女亦有齊齊穿上泳衣，於酒店泳池和陽光玩遊戲，大晒Fit到漏身材 — 兩位靚女亦有齊齊穿上泳衣，於酒店泳池和陽光玩遊戲，大晒Fit到漏身材（圖片來源：TVB提供節目截圖）

何沛珈去shopping一樣悉心打扮，騷盡身材。 — 去shopping一樣悉心打扮，騷盡身材。（圖片來源：無綫提供）

何沛珈扮大學生逼爆校服，真係好青春。 — 扮大學生逼爆校服，真係好青春。（圖片來源：無綫提供）

何沛珈化身性感小野貓男友視角喂觀眾飲酒

昨晚另一亮點，是兩位靚女將化身一日女友，以男友視角方式和觀眾拍一日拖！何沛珈着到靚一靚化身性感小野貓，帶大家到有「泰國蘭桂坊」之稱的熱點夜蒲，暢飲特色蜜糖Cocktail的她，更親手餵觀眾飲埋一份，甜度爆錶。另邊廂，李芷晴化身文青女神和大家參觀曼谷設計周，影靚相打卡之餘，還對住鏡頭瘋狂撒嬌，大晒可愛一面。

何沛珈更親手餵觀眾飲埋一份，甜度爆錶 — 更親手餵觀眾飲埋一份，甜度爆錶（圖片來源：TVB提供節目截圖）

何沛珈李芷晴化身文青女神和大家參觀曼谷設計周，影靚相打卡之餘，還對住鏡頭瘋狂撒嬌，大晒可愛一面。 — 李芷晴化身文青女神和大家參觀曼谷設計周，影靚相打卡之餘，還對住鏡頭瘋狂撒嬌，大晒可愛一面。（圖片來源：TVB提供節目截圖）

何沛珈李芷晴自爆曾肉帛相見真情對話講到眼濕濕

節目尾聲，何沛珈、李芷晴齊齊換上泳裝，浸在泳池進行深度交流互訴心聲，其間二人均感觸至紅了眼眶，又邊說邊手牽手互相支持，場面感性。何沛珈哽咽：「我哋由《再競選》…（忍淚）我都入咗行兩年，我都未試過同一個女仔咁Close…未試過呢個體驗…」聽到眼濕濕的李芷晴則說：「可能大家都好大壓力，大家都覺得競爭對手嚟架喎，點樣做朋友呀，有時我都覺得你會唔會唔鍾意我呢？」

因是次行程成為好友的二人，日前齊齊開Live與觀眾互動，何沛珈驚爆二人會「肉帛相見」後，李芷晴隨即大爆何沛珈「浴巾」的秘密：「佢會著住浴袍周圍走！」何沛珈聞言反問：「有浴袍咁多呀？」李芷晴即再補充謂：「後尾就過份啲，但第一日未係好熟嘅時候，佢就咁沖完涼著住浴袍行出嚟，好彩你冇打開畀我睇咋。」

何沛珈浸在泳池進行深度交流互訴心聲，其間二人均感觸至紅了眼眶，又邊說邊手牽手互相支持，場面感性。 — 浸在泳池進行深度交流互訴心聲，其間二人均感觸至紅了眼眶，又邊說邊手牽手互相支持，場面感性。（圖片來源：TVB提供節目截圖）

何沛珈入行三年Job接Job

現年26歲的何沛珈（Roxanne，前名何孟珊）是2020年落選港姐，加入無綫唔夠3年已備受重用，何沛珈去年參加《香港小姐再競選》，憑表演傣族舞引起網民關注，在決賽中更勇奪冠軍及「更上鏡小姐」。自前年底加入無綫皇牌資訊節目《東張西望》擔任外景主持，成為新一代的《東張》女神，之後又以護士Look亮相《醫醫，我不想再病了》引起網民關注，主持工作多籮籮，去年更開始入劇組成為力捧小花。

愛回家何沛珈何沛珈是《2020年度香港小姐競選》五強佳麗。 — 何沛珈是《2020年度香港小姐競選》五強佳麗。（圖片來源：IG@hpgroxanne）

何沛珈去年參加《香港小姐再競選》，何沛珈以大熱姿態勇奪冠軍及「更上鏡小姐」。 — 去年參加《香港小姐再競選》，何沛珈以大熱姿態勇奪冠軍及「更上鏡小姐」。（圖片來源：IG@hpgroxanne）

愛回家何沛珈佢喺《醫醫，我不想再病了》入面叫做「流姑娘」。 — 在節目《醫醫，我不想再病了》中，何沛珈扮演「流姑娘」。（圖片來源：IG@hpgroxanne）

愛回家正在拍攝的新劇《四十二章經》中，何沛珈首次飾演一個有中英文全名的角色：林若寶Carmen，睇戲服似乎又做番護士老本行。 — 何沛珈曾有份參演新劇《四十二章經》，劇中她首次飾演一個有中英文全名的角色：林若寶Carmen，睇戲服似乎又做番護士老本行。（圖片來源：IG@hpgroxanne）

何沛珈當年為選港姐唔做護士

《2020香港小姐競選》以疫市筍工為口號，亦為了爭呢份工大會以年薪過百萬、可以周遊列國、彈性上班時間、收禮物收到手軟等來形容的筍工。在疫情大爆發之下，為選港姐何沛珈亦急急辭去護士一職，並在其社交網貼出跟同事合照，話可能係最後一次著上護士袍，又以「前世做錯事今世做護士」來形容護士呢個職業。最後成功打入5強嘅何沛珈繼續留喺演藝圈追夢，無悔放棄做護士嘅決定。