58歲詹瑞文喪妻後爆喊談感受 嘆一齊時間短 遭網民批:背棄前妻仲好偉大咁
58歲詹瑞文喪妻兩個月 孖徒弟蔣怡開Live談感受
詹瑞文於直播中談及到愛妻的離開令自己人生有好大轉變,對之後想做的事都有好大影響。當詹瑞文提及到太太Amenda的最後四個月,更忍不住哽咽落淚:「我真係好感恩我可以喺我人生入面認識到佢,同埋可以喺一齊生活嗰10年入面,每一天都咁濃烈。我有一瞬間我係覺得,點解我哋一齊時間咁短,可唔可以長啲呢。」




對亡妻讚不絕口 感激對方為自己圓夢
詹瑞文在直播中對Amenda讚不絕口,感激對方用盡所有方法為自己圓夢:「Amenda係一個好低調嘅人,佢永遠都喺Artist背後,佢唔鐘意成日畀人見到佢。佢喺背後支持明白我,做咗好多好多功夫。經過咗之後嘅十年合作,Amenda帶住一team人,就support住我哋做所有創作,好唔簡單。我係想做就要做嘅人,至於點做就靠佢。Amenda就會用盡佢方法完成我夢想、理想。經過多年之後,我哋喺工作上建立咗好好默契。再經過一段時間,除咗喺工作上,我哋喺感情上面都決定喺埋一齊。」


當年深受外界批評:我成日好戥佢唔抵
詹瑞文與Amenda的戀情一直受到千夫所指,Amenda當年被外界稱為「第三者」,不過兩人一直未有就戀情作公開回應或澄清。今次詹瑞文便於直播剖白當年與甄詠蓓離婚的原因和戀上Amenda的心路歷程:「當時我覺得人生要去另一階段,當然我同前妻之前有一段好好關係,去到嗰個階段我覺得我要面對我哋兩個之間嘅一啲問題,我選擇咗我要處理呢段關係,要暫時停咗呢個關係,然後尋找我人生之後路向,之後我就發展咗我人生另一段關係,就係同Amenda一齊。」


詹瑞文曾想為愛妻平反
詹瑞文指當年媒體一直負面描述兩人的關係,雖然自己曾經想為愛妻平反,不過總被Amenda阻止,詹瑞文坦言一直為愛妻感到不值:「你都知媒體如何負面地描述我哋,咁我覺得我好欣賞佢,佢又好欣賞我,我哋又處理好要處理嘅嘢,我哋就決定一齊生活。當有好負面報道寫佢時候,佢就會話︰『唔緊要,我好清楚自己做緊乜,如果我回答,反而進入個圈套。』佢好聰明,反而有時候我覺得好戥佢唔抵,好想表達。」

網民唔buy狂鬧:真係聽到毛管戙
雖然詹瑞文聲淚齊下剖白與愛妻Amenda的點點滴滴,不過網民並不領情,認為詹瑞文將當年拋妻棄子一事包裝得過分美好:「弊傢伙,佢講到好似好touching 咁,但我一啲都唔感動嘅」、「講到自己背棄前妻仲好偉大咁」、「棄糟糠的下場」、「係佢把口講愛真係聽到毛管戙」、「一個將移情別戀包裝得好靚的人」等。有網民亦認為今次詹瑞文開直播的目的全為宣傳新開張的Cafe:「我唔係好明佢做乜最尾要咁強調間 coffee shop 個地址」、「其實今次出嚟嘅目的都只係想幫自己宣傳間cafe啫」等。



一齊睇詹瑞文足本訪問:
https://www.youtube.com/live/6C1BdbmsBi0?feature=share&t=1899
詹瑞文爆喊開Live談喪妻感受。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!