視后唐詩詠劇接劇不停拍偷空喪約朋友跑步狀態勁Fit

Oct 28 2020

廣告

唐詩詠貴為視后在無綫非常搶手，上月劇集《超能使者》剛煞科，本月又要開拍新劇《我家無難事》，趁住有一個月空檔，唐詩詠就不停約朋友練跑Keep Fit，跑友包括有江美儀、黃翠如、陳山聰和姜皓文，車輪轉陪住詩詠喪跑！

原文刊於《東方新地》

唐詩詠日前出席品牌活動時輕露香肩又晒腿，狀態勁 fit。

陳豪在活動上狂講湊仔經，唐詩詠就講養貓經，她笑指自己屋企有三隻寶貝貓：「我每日起身都要照顧佢哋先，所以我完全體會到湊仔嘅感受，相信第日有小朋友時，我都可以應付得到。」

唐詩詠話好多謝陳山聰和姜皓文兩位高手陪伴她跑過困難的斜路，又笑指自己的目標是先練好心率，再去練習速度。

早前打風天，唐詩詠都孖住江美儀到尖沙咀長廊玩夜跑，雖然江美儀第一次夜跑，但都陪詩詠跑了足足七公里。

唐詩詠早前又和好友黃翠如晨早五點半出門跑步，跑完七公里後，兩人一齊欣賞美麗的日出。

唐詩詠《唐人街》首次做打女谷出Y字胸

被延期播放的《唐人街》被喻為《城寨英雄》和《同盟》的系列第三部曲，在三部劇集中首次作為新人馬正式加入的詩詠笑言：「我一直都好懷疑自己呢個身手點解會畀監製文偉鴻先生揀中，但我深信佢揀中我一定係因為個角色好適合我發揮，所以我Push自己好盡力去學好啲功夫，唔想令佢失望！」唐詩詠直言《唐人街》是她入行以來首部真正以打戲為主的戲劇，她表示：「因為我本身冇舞蹈、功夫底子，所以喺開劇前一個月，我已經開始同師父上堂學功夫。」

唐詩詠在劇中的開胸造型原本只係微露事業線，但當她烏低身大打出手時，卻會即時谷出逼爆Y字胸，非常性感！

唐詩詠在2016年《城寨英雄》中曾客串飾演陳展鵬老婆，今次兩人將再續前緣，並加入伍允龍及劉穎鏇大玩四角戀。

現年39歲的唐詩詠自1999年入行做模特兒，後來在2000年拍攝港台製作的青春劇《青春 @Y2K 》嶄露頭角，2003年開始加入無綫拍劇，直到2017年終憑劇集《不懂撒嬌的女人》升格為視后。

唐詩詠曾被網友譽為「絕世好女友」，但她表示自己最想做的其實是「絕世好太太」，她覺得做女人應該以『絕世好太太』為目標，她心目中覺得一個好太太應該係既可以擁有自己獨立嘅事業，同時又可以照顧好一個家庭，咁就最Perfect！

唐詩詠今年初透露自己在拜年時同親戚講起，才驚覺嫲嫲是荷蘭加印尼混血兒，因此她原來有荷蘭血統，她笑說：「唔好再問我個鼻點解咁高，因為我有荷蘭鼻！」

唐詩詠近日正在拍攝的另一部新劇《超能使者》，同樣由《唐人街》原班人馬打造。

《超能使者》全用《城寨》班底？

本劇雲集了《城寨英雄》、《同盟》和《鐵拳英雄》的演員，由金牌監製打造⋯⋯按此看劇集&人物介紹

《超能使者》大玩CG特效代替真功夫？

《超能使者》監製文偉鴻表示，此劇為加強真實感摒棄全CG製作，不惜工本，更用了逾1800個CG鏡頭。而主角穿梭「時間停頓空間」的畫面，除了要靠高速攝影機拍攝之外，原來還需要演員們⋯⋯按此看劇集&人物介紹

關鍵詞

唐詩詠超能使者我家無難事娛樂熱話

資料或影片來源：原文刊於東方新地