袁偉豪親解EQ低原因被指食軟飯感心灰唔想撈

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Oct 11 2022

袁偉豪近日接受港台節目《安哥同學會》訪問，親自解釋自己經常被指EQ低的原因，又講到近兩年他和張寶兒結婚之後，多了很多閒言閒語，令他覺得有點灰心，而他最擔心一件事，會讓他的一些工作客戶對他有所誤會。他說：「其實唔止對工作，對自己人生都必需認真。我有時都覺得呢種咁認真嘅態度，嗯…似乎唔係好適合喺呢個圈子發展…」

袁偉豪唔夠瞓致EQ低？

現年41歲的袁偉豪，在訪問中提到自己由17歲就開始工作，今年已是他入行第25年，他直言知道好多機會係得來不易，因此他無論是在幕前、幕後，甚至人際關係上，都希望能做到最好：「不過有時可能唔夠瞓，啲EQ就會低啲，導致到可能喺個言行上就會比較率直，不過我自己本身就唔係太識用啲花言巧語去表達自己，或者叫做同人哋去交流，我只係希望可以直接啲去表達到件事，可能咁就會導致近年人哋對我嘅印象唔係太好。」

袁偉豪安哥同學會袁偉豪袁偉豪雖然曾考過健身教練的課程，但他表示現在冇做教練，只係keep住做運動。 — 袁偉豪雖然曾考過健身教練的課程，但他表示現在冇做教練，只係keep住做運動。（圖片來源：IG@benontheroad）

為獎金參選校花校草

袁偉豪在97年參加校花校草選舉入行，他憶述是因為一個緣份，因為當年他正要repeat中三，在溫書時看到《YES!》雜誌，見到校花校草選舉的冠軍可以有5千元獎金，仲有1萬元服裝禮券，連提名人都有3千元現金獎，因此他就在妹妹的建議下決定參選，結果成功贏得校草冠軍。他表示這個冠軍就像一個甜品一樣，因為他當年始終仍未完成學業，但正好當時他有個uncle在唱片公司工作，於是便邀請他簽約入行，當年只得16歲的他，自此成為黎瑞恩的小師弟，開始接拍廣告和電影。

袁偉豪安哥同學會袁偉豪袁偉豪曾自爆參加校花校草選舉時的舊照右上），連佢自己都忍唔住留言︰「人哋話女大十八變！男其實咪係一樣」 — 袁偉豪曾自爆參加校花校草選舉時的舊照（右上），連佢自己都忍唔住留言︰「人哋話女大十八變！男其實咪係一樣」（圖片來源：IG@benontheroad）

袁偉豪安哥同學會校花校草袁偉豪拍過維他奶廣告，所以有「維他奶仔」呢個花名。 — 袁偉豪初入行時曾拍過維他奶廣告，所以參選港男時，有個「維他奶仔」花名。（圖片來源：1999年維他奶廣告截圖）

處男拍戲口沒遮欄

袁偉豪自言細個都幾鍾意唱歌，但其實沒甚麼表演慾，剛入行時他也希望能做一個明星，但因為當時年紀太細，經常口沒遮欄：「我記得有一次拍劉偉強導演嘅電影《新古惑仔之少年激鬥篇》，因為個schedule好緊密，大家都好心急，我仲走埋去拍導演個膊頭話：『導演，唔好咁嬲啦！』呢啲咪細路仔唔識世界，如果係而家我就會諗吓點樣可以幫到件事，唔會走埋去同導演咁樣講。」他指當時導演只係笑一笑，鬧了他一句「衰仔」就過去了。

袁偉豪安哥同學會袁偉豪《新古惑仔之少年激鬥篇》中，謝霆鋒飾演「少年陳浩南」，袁偉豪就飾演少年「巢皮」。 — 《新古惑仔之少年激鬥篇》中，謝霆鋒飾演「少年陳浩南」，袁偉豪就飾演少年「巢皮」。（圖片來源：《新古惑仔之少年激鬥篇》截圖）

家人曾建議做空少

袁偉豪講到自己25歲，即是在加入TVB前一年時，是個無所事事的「young man」，只會在家中剪片、睇MV和電影，屋企人曾提議他去考空少，但他在考慮過後，還是想繼續等機會，結果一年後，他就參加了TVB香港先生選舉，奪得冠軍入行，那年是07年，剛好是他入行10周年。而他對選美的心得是要保持穩定的心態，不用太光芒四射，去表現自己。

袁偉豪安哥同學會校花校草有「維他奶仔」之稱嘅袁偉豪2017年參選《香港先生》大熱勝出。 — 袁偉豪2017年參選《香港先生》，最終大熱勝出。（圖片來源：新傳媒圖片庫）

袁偉豪安哥同學會當年袁偉豪曾奪得《2007年度香港先生選舉》冠軍，但他參選時已26歲。 — 當年袁偉豪參選港男時，因為健碩的身形頗受同志們的喜愛，在同志網曾被封為「最帥氣嘅男人」。（圖片來源：新傳媒圖片庫）

做歌手三年只派了兩首歌

這15年在TVB的演出生涯中，袁偉豪自言對每一個角色都好有創造力，因此他覺得問心無愧，但他對自己的唱歌事業卻覺得舖排得不夠理想，原來他自2019年簽約了一間唱片公司後，到現在只派了兩首歌，他直言希望將自己定位為一個創作歌手，用自己的音樂語言，去讓聽眾投入他的故事中。

袁偉豪安哥同學會袁偉豪近日袁偉豪推出第二首派台歌。 — 近日袁偉豪推出第二首派台歌。（圖片來源：IG@benontheroad）

婚後多閒言感覺灰心

袁偉豪又表示作為藝人，好多事都身不由己：「事實嘅真與假都唔知係咪嗰回事，再加上除咗自己本身，都要同好多單合作，先可以成就到大家睇到的娛樂新聞。我唔係話好刻意去製造新聞，只係有時大家喺工作上各有所需，佢有佢寫、我有我自己，但偶爾都會好氣餒。」

袁偉豪續說：「自己辛辛苦苦經營咗咁耐嘅工作，亦都喺自己人生上有咗個選擇、搵到個我適合嘅人，去建立我嘅家庭，可以喺感情上覺得安穩，雖然我係男士，但都可以話係心靈上有個依靠，但係好似係近呢兩年，自從我結婚以後，真係多咗好多閒言閒語，或者啲是非黑白，我都覺得有啲灰心。」

袁偉豪安哥同學會袁偉豪袁偉豪自2020年和張寶兒結婚，之後網上曾出現他「嫁畀張寶兒」才可得到6,000萬豪宅、「食軟飯」、「袁偉豪）係姓張」等言論。 — 袁偉豪自2020年和張寶兒結婚，之後網上曾出現他「嫁畀張寶兒」才可得到6,000萬豪宅、「食軟飯」、「（袁偉豪）係姓張」等言論。（圖片來源：IG@benontheroad）

袁偉豪安哥同學會袁偉豪袁偉豪曾表示自己奮鬥多年，才開始叫做有啲成績，又搵到一個自己鍾意嘅人去結婚，卻要被人話食軟飯，他直斥：「嗰啲人真係好無良心。」 — 袁偉豪曾表示自己奮鬥多年，才開始叫做有啲成績，又搵到一個自己鍾意嘅人去結婚，卻要被人話食軟飯，他直斥：「嗰啲人真係好無良心。」（圖片來源：IG@benontheroad）

擔心互聯網存檔影響接Job

主持人陳圖安指只要問心無愧就可以，但袁偉豪就話：「而家互聯網發展好快，同埋會存檔，裏面有好多嘅報道、有好多嘅事情都唔係真係有咁嘅事實，但都會存咗檔，可能我啲工作客戶想了解我，就會search我嘅資料，嗰啲唔係屬實嘅資料就會留咗檔，我好難去澄清所有嘅事，呢方面就會令我覺得唔係咁好。」

袁偉豪安哥同學會袁偉豪近日King Jer報導一則關於馮皓揚羊羊）在上完第一堂TVB藝員訓練班，就與公司商討決定退學的消息，King Jer於文中及配圖均提及訓練班有一位客席星級導師袁偉豪出現，結果惹來袁偉豪不滿指：「我欠咗你哋班傳謀？」網民都狠批他的回應態度差，好唔得體。 — 近日King Jer報導一則關於馮皓揚（羊羊）在上完第一堂TVB藝員訓練班，就與公司商討決定退學的消息，King Jer於文中及配圖均提及訓練班有一位客席星級導師袁偉豪出現，結果惹來袁偉豪不滿指：「我欠咗你哋班傳謀？」網民都狠批他的回應態度差，好唔得體。（圖片來源：Facebook截圖）

經常對老婆示愛

袁偉豪透露在家中他都會主動做家務，包括打掃、吸塵、下廚和洗碗等，講到兩夫妻的相處之道，他說近年他在感情上有很大轉變，Sweet了許多、也多了對老婆張寶兒講「I Love You」這三個字：「我會多謝佢喺低潮時support我，同佢講佢係我一個真真正正好好嘅朋友、好好嘅靈魂伴侶、好好嘅太太，希望我下半世都係拖住佢一齊行。」