39歲衛詩雅入行16年成「牌王」 曾被hurt爆稱有job接係「施捨」

衛詩雅出道後棄藝名改叫本名

衛詩雅早在16歲時就已擔任model，隨後於2008年拍攝《四葉草之盛裝舞步愛作戰》後正式加入娛樂圈。衛詩雅入行初期以藝名詩雅活動，皆因名字與歌手衛詩頗為相似。殊不知後來到藝人連詩雅出道，衛詩雅亦對改藝名避認錯略有建議，因此便提出以本名繼續演藝活動。

衛詩雅為保障變娛樂圈「牌王」

衛詩雅入行初期工作唔多，明白娛樂圈不穩定嘅衛詩雅亦沒有浪費時間，在空餘時keep住學習，多年來已經考獲多個牌照。除咗入行前考獲專業鑽石鑑定證書，隨後更考獲輕型貨車牌、船牌、救生員牌、導遊牌、電單車牌、寵物傳心術牌等，亦因此被封為娛樂圈「牌王」。

衛詩雅曾被hurt爆鬧有job接係「施捨」

衛詩雅去年憑電影《不日成婚2》首度入圍金像獎最佳女主角，同陳家樂拍住上嘅衛詩雅除咗係戲中嘅好對手之外，戲外亦係好「戰友」！衛詩雅仲自爆2人曾一齊經歷過最拮据嘅時期，試過冇錢到要互相問對方借錢回家，真係連食飯錢都冇！

衛詩雅更談及有次與陳家樂為某品牌影片宣招時，就曾遭工作人員hurt爆稱：「我哋施捨你哋㗎咋」衛詩雅直言當刻真係十分難過，不過好彩最後佢都咬牙堅持，先有今日嘅成績！