螢幕初吻狂咀楊明 李佳芯留心理創傷
12年由有線電視轉投無綫的李佳芯，前年憑《BB來了》成為視后，演技早獲認同嘅佢，演活過多個角色，無論邪花定新手媽媽都冇嘢難到佢，不過接吻戲呢！佢就有陰影喇！
Ali喺無綫YouTube頻道回顧節目《如果這樣生活》嘅短片中，談及自己獻出螢幕初吻嘅經歷，原來當年入無綫接拍第一部劇集《單戀雙城》，佢飾演一個對前男友楊明狂追猛打嘅前女友，其中一場戲係佢揸車去搵楊明表白心跡，話唔可以冇咗佢，一見面即嚟料抱住佢個頭不停地錫。
嗰場戲Ali真係做得好出色，兩位主角都咀得好肉緊，不過Ali事隔多年諗番呢件事就有微言喇！佢話一開始拍就要激咀，搞到心理創傷非常之大，話晒佢都係女仔人家，能夠以創傷嚟形容，Ali真係難以忘懷。
李佳芯（Ali）去年因網上言論遭無綫雪藏，演藝事業滑鐵盧，但慶幸身邊還有個避風港，與拍拖六年的藝員男友陳炳銓患難見真情，早前齊齊搬屋轉運，進駐風水超好的西貢獨立屋，二人不時去西貢市拍拖放狗好溫馨。
撰文、圖片：東方新地
李佳芯獲男友做心靈密友
李佳芯（Ali）簽無綫八年來機會不絕，坐穩一線花旦的Ali去年卻因網上言論而令事業受挫，據知情者透露：「Ali從來都係有嗰句講嗰句嘅人，就係咁輸蝕囉！經過呢次教訓，以後都會慎言。喺呢段時間，Ali依然冇停低，繼續增值自己，佢男友Danny（陳炳銓）亦非常支持畀好多鼓勵佢，同佢分析形勢同以後嘅路應該點行，拍拖六年嚟佢哋都好著重心靈溝通，真係打風都打唔甩。」
進駐西貢白沙灣獨立屋 坐正風水龍脈
Ali與陳炳銓被封美女與野獸的結合，由於二人效力敵對的電視台，拍拖初期已傳出無綫施予壓力，但事實證明Ali對男友矢志不渝，更排除萬難發展至同居，早年本刊影到他們在西貢夾錢租住村屋，之後再搬去將軍澳清水灣半島，到近月Ali與陳炳銓已進駐西貢白沙灣的獨立屋，愈住愈富貴，切合Ali視后身份。知情者透露：「Ali同Danny三年前養咗隻唐狗豆豉，搬上樓之後，佢哋覺得放狗好唔方便，再加上Ali事業有阻滯，所以就搵咗依家住嗰間西貢獨立屋，Ali雖然被放入雪櫃一段時間，但佢搵錢能力唔弱，今年四月ViuTV冇再同Danny續約，但佢依然繼續有劇拍同做幕後，都仲有好多Job，出面又開班教演戲，唔係坐食山崩！聽講佢哋依家住嗰度風水好好，入住冇耐Ali已經收到《殺手》會上，公司仲幫佢安排咗好多宣傳工作，就算唔可以拍合拍劇，香港市場都夠佢發圍！」
本刊記者搵來著名玄學家吳佩孚，對於Ali位於西貢的新居，吳師傅表示原來該處有個傳奇：「嗰度有間車公廟，以前賴布衣去過，仲點咗個穴叫『虎下明塘』，附近山形好似五隻老虎向下，咁啱盤地就係呢個屋苑所在，照山形地勢嚟睇，嗰度人傑地靈，旺人緣、旺丁同埋旺事業，做藝人就會有觀眾緣，姻緣會好，亦催旺生兒育女。再睇屋前景觀，門前開揚遠景望山，西貢附近山脈壯大，搵錢容易，所以西貢亦特別多藝人鍾意住。」
李佳芯孖男友貼地拍拖放狗
既然計劃趕不上變化，37歲的Ali順著前路走，與陳炳銓築起愛巢養狗為樂，近幾年Ali都喜歡去西貢市拍拖兼放狗，早前被迫停工，本刊記者亦影到Ali與陳炳銓貼地放狗，視后經常素顏幫襯茶餐廳同西貢海鮮酒家， 繼續做回真我。做藝人一命、二運、三風水，事實證明Ali甚有觀眾緣，希望新居真的為她帶來好運，過完冷河繼續發光發熱。
為，不過停下來浪漫看海，一切盡在不言中。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
