蘇民峰太太激罕曝光 保養超好出鏡唔輸高海寧 家族背景原來勁猛料

蘇民峰太太楊佳佳激罕現身

高海寧日前（17日）在社交平台曬出與蘇民峰以及其太太楊佳佳食團年飯時嘅合照，激罕於社交平台現身嘅楊佳佳更獲唔少網民大讚保養得宜：「蘇師傅的老婆太有氣質了吧」、「好少可見到蘇民峰老婆，估唔到咁有氣質」、「他的老婆保養得很好」、「師母與高Ling合照也不遜色」、「原來老婆這麼有氣質，難怪師傅如此低調！」

楊佳佳家族背景原來勁猛料

蘇民峰向來對感情事十分低調，多年來亦僅對外界稱呼楊佳佳為「女友」，直至2005年被爆出原來早於1993年便已與Lilian秘婚，令唔少人都對Lilian嘅背景大感好奇！

1993年與蘇民峰結婚嘅楊佳佳被指家族背景超猛料，外公更係國民黨將軍沈醉！而喺台灣出世嘅Lilian自幼便已經移居美國，直到90年代初來港做模特兒時與蘇民峰相識，隨後更情定於此！

蘇民峰上節目冧爆談老婆

蘇民峰於2021年時現身由阮小儀主持嘅《小儀與13型男》時，就曾冧爆談及過老婆楊佳佳：「我唔係成熟，但我好現實，同我一齊會有安全感，以前窮得滯，啲女人嫌我窮，直到我呢個『愛人』，我窮都唔嫌棄我。」仲大爆當時年佳佳第一次與自己於台灣飲茶時，因擔心自己冇錢支付，仲主動埋單嘅細心舉動！蘇民峰亦sweet到漏透露楊佳佳鍾情自己嘅原因：「佢話覺得我可憐喎，由憐生愛。佢嗰時鍾意我係因為我醒目，仲有係因為我個人好玩，有邊個男朋友每日會同對方蒲天光，再行彌敦道返屋企吖。」