36歲前主播蔡雪瑩孖囡囡罕曬比堅尼照 竟惹網民狠批

蔡雪瑩 罕曬半籮長腿

蔡雪瑩近日一家四口去酒店Staycation，以補祝大仔Wesley的7歲生日，期間她帶同5歲餅印女Sheryl換上母女裝泳衣，一齊去到泳池打卡，影完背面又影正面，背面相中可以見到穿著三點式比堅尼的蔡雪瑩大曬靚背，仲騷埋半籮同長腿，非常誘人。

網民求正面

不過正面相中，蔡雪瑩就攬實女兒Sheryl，並用長髮遮住上半身，只曬出一隻長腿，令不少網民留言「正面呢？」、「求正面」、「想看前面」等等，又大讚Sheryl繼承了蔡雪瑩靚女基因，兩母女十足餅印一樣。

被鬧唔尊重女兒私隱

但有網民就留言狂鬧蔡雪瑩，指責她不應該放女兒的泳衣照上網：「前女主播好happy，晒幸運，不過，小朋友也有私隱權，父母是否要尊重？」、「將兒女的浴照、泳衣照上網，父母好high，真的精彩」等等。

去年曾曬泳裝正面照

其實睇翻舊相，蔡雪瑩去年都曾經試上載同女兒去泳池游水的合照，不過當時兩母女攬到實，相片中泳衣部份不算多。此外蔡雪瑩去年到泰國旅遊時，亦曾影相和拍片分享過自己的泳裝正面照。

與六新聞小花相聚 蔡雪瑩著小背心搶Fo

早前蔡雪瑩曾與林燕玲、黃麗幗、駱文捷、鄭萃雯和羅鈺文共六位前任或現任新聞小花，一同在露營帳幕中享用BBQ晚餐，並為鄭萃雯慶祝生日，六位新聞小花中以蔡雪瑩的小背心打扮最吸睛。網民都紛紛大讚：「以前TVB最靚嗰幾個主播喺晒度」、「昔日嘅主播一齊真係開心」、「淨係呢度都六索啦！六位索女呀！」等等。

蔡雪瑩公屋出身 升呢豪門少奶奶

蔡雪瑩畢業於香港浸會大學，2010年加入TVB新聞部，擔任主播及採訪工作，至2014年離巢。因為樣子甜美，蔡雪瑩一向好有觀眾緣，更有雪瑩BB之稱，她年幼時家境清貧，在公屋長大，2016年與上市公司太子爺朱威霖（William）奉子成婚，升呢豪門少奶奶，並先後育有一子一女。