少林女足｜蔡思貝拍片引周星馳關注 純白泳衣look勁養眼獲讚
蔡思貝積極自薦！周星馳列5大條件公開招募開拍《少林女足》
周星馳於上月（22日）在自己61歲生日，喺IG曬出寫上「2023-0622」嘅《少林女足》劇本，仲留言列出5大條件公開招募靚女：「今天我只有一個願望，就是能與 一大群不同國籍、年青貌美、身材標緻、天資聰敏、體能出眾的靚女，一起共渡難忘時光，人數不拘，多啲嚟密啲手，我無懼人山人海，只怕妳未夠風彩！」最後仲話嚴禁P圖：「P圖造假絕不會得逞，我們團隊不會答應！國際社會更不會答應！」
少林女足｜蔡思貝拍片向星爺自薦
蔡思貝早前（15日）在社交平台上載一段約1分鐘的自製短片，片段中，蔡思貝身在山洞之中，揹住背包走到氣來氣喘說：「尋尋覓覓，你（星爺）都係想搵一個識輕功水上飄，入水能游出水能跳，我喺度！」
少林女足｜蔡思貝出動純白泳衣大派福利
蔡思貝相當有心思，在早前拍新旅遊節目《貝遊歐洲》期間，專誠拍片在唔同國家大騷球技，一時倒吊做指上壓，一時輕功水上飄，認真搞笑！不過趣味十足之餘仲誠意十足！蔡思貝激罕出動水着Look大派福利，穿上一件頭純白泳衣玩淋浴，大玩濕身誘惑，雖然有少少肚腩，但勝在有長腿加分，整體嚟講都好養眼！
蔡思貝獲星爺讚好支持
蔡思貝發文留言：「Dear Stephen，日子感覺過得好快，由你生日，到現在已經三個禮拜了，可能遲來，但整個旅程每一刻我也是想着你的，我走了九個城市，拜候武林各界高手，修練自己，我，準備好了。」事後，星爺雖然冇正面答覆，但都有在社交網轉發了蔡思貝的影片，仲畀咗個讚好手勢支持。
網民：我係Stephen 一定揀你！
唔少網民睇完蔡思貝的精彩演出，都紛紛留言讚好同大讚搞笑：
完全感受到條片除咗搞笑，仲有好多元素係入邊，然之後最尾話所有佢作品帶嚟嘅影響好感動！人靚，精靈，感性樣樣齊！Really so proud of you
思貝，其實我都被你所做的一切深深打動了，非常欣賞你的堅毅和努力!我相信他會被你的誠意所感動的，同時也會欣賞到你的多才多藝!
天下文章一大抄、唔同層次有唔同睇法、我哋基層睇、係好強烈感覺！而一分鐘包括咁多嘢、就極度超額
係你喇！我係stephen 一定揀你！
周星馳《少林女足》公開招募靚女｜女星爭相報名 日本代表有「佢」自薦！
雖然周星馳講明要「年輕貌美」嘅靚女，但唔少人妻女星都無視星爺要求，紛紛留言報名，其中包括胡杏兒、陳敏之、林熙蕾、Coffee、孫慧雪等。Coffee仲留言話連擔擔抬抬嘅角色都照殺：「除咗年輕貌美，有無d搬搬抬抬嘅角色？我體能岩駛喎星爺」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
