落選港姐蔡嘉欣疑自製黑眼圈造假吸客！惹網民瘋狂負評急閂留言功能

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jun 29 2022

落選港姐蔡嘉欣入行3年是非未停過，身份既是演員、網店老闆，仲係KOL，早前她拍片晒Hermès被指炫富又拜金，剪短頭髮更被網民狠批似阿嬸，蔡嘉欣即同網民開火。近日蔡嘉欣在社交網出片宣傳美容產品，被質疑自製黑眼圈造假，去突出產品功效，結果又惹來瘋狂負評。

蔡嘉欣蔡嘉欣天生惹是非，觀眾緣亦麻麻。 — 蔡嘉欣天生惹是非，觀眾緣亦麻麻。（圖片來源：[email protected]）

蔡嘉欣蔡嘉欣咁靚女，又真係好遘合SELL美容用品嘅。 — 蔡嘉欣咁靚女，又真係好遘合SELL美容用品嘅。（圖片來源：[email protected]）

蔡嘉欣扮黑眼圈營造效果

蔡嘉欣的負面新聞層出不窮，今次又有新嘢，出道後被指拜金愛出鋒頭的她，索性自嘲係「拜金KOL」拍片吸容，日前她為美容產品宣傳，以20分鐘可擊退黑眼圈為噱頭，蔡嘉欣疑似刻意把自己的眼袋位置搽黑，以一對黑眼圈示人。

蔡嘉欣短片一開始，蔡嘉欣一對眼袋已經黑晒。 — 短片一開始，蔡嘉欣一對眼袋已經黑晒。（圖片來源：[email protected]）

蔡嘉欣蔡嘉欣硬sell20分鐘可去黑眼圈。 — 蔡嘉欣硬sell20分鐘可去黑眼圈。（圖片來源：[email protected]）

蔡嘉欣被指侮辱網民智慧

由片中可見，蔡嘉欣一開始已經有黑眼圈，佢仲對鏡頭說：「你睇我黑眼圈幾勁！」當她在右眼眼袋位置貼上眼膜後，中間經過剪輯，到夠鐘時撕去眼膜，右眼的黑眼圈已經淡化，蔡嘉欣好驚訝以高8度的聲音說：「嘩！個黑眼圈真係消失咗，好神奇呀！」演技未到家，呢一幕假成咁，蔡嘉欣零說服力之餘，仲被網民狂插造假冇誠意，甚至侮辱網民智慧，結果出晒事，蔡嘉欣更連留言功能都閂埋。

蔡嘉欣蔡嘉欣在右眼下貼上眼膜。 — 蔡嘉欣在右眼下貼上眼膜。（圖片來源：[email protected]）

蔡嘉欣效果勁誇張。 — 效果勁誇張。（圖片來源：[email protected]）

蔡嘉欣Chanel珍藏晒冷

蔡嘉欣早前曾以「拜金系列」在YouTube拍片分享今季Chanel熱門必搶手袋，一口氣大晒多件Chanel搶手貨﹗鏡頭前蔡嘉欣身旁有一棟Chanel盒，睇見到覺壯觀，其後蔡嘉欣在片中開箱拆「禮物」。

蔡嘉欣 Chanel 年度必買拜金 — 蔡嘉欣興奮開箱，她透露早兩日才買到的Chanel搶手貨﹗（圖片來源：蔡嘉欣YouTube影片截圖）

蔡嘉欣興奮大叫：我冇諗過真係買到

首先她大晒ChanelDenim Mini Flap Bag 20cm，蔡嘉欣一臉興奮：「我覺得Chanel金球系列最靚係牛仔布囉，仲靚過皮﹗只要拉個金球波就可以調節唔同尺寸而有唔同孭法，真係完美到不能挑剔，太靚喇！」蔡嘉欣透露好辛苦先得到此心頭好，明言一袋難求「我冇諗過真係買到，幾個月先日日同售貨員講個袋好靚，終於買到，售貨員叫我一定要保護佢唔好爆佢出嚟，唔係佢會好大鑊，雖然本身想要17cm，最後有依家呢個20cm都好開心﹗」

蔡嘉欣：朋友都買唔到

其後蔡嘉欣再晒價值17,000的白色小腰包款，珍而重之逐一解釋當中細節，不過小如手掌的小腰包實在太小，蔡嘉欣都忍唔住話：「其實真係好細，名符其實嘅廢包，不過真係好靚﹗」蔡嘉欣更強調朋友陪她到店，想買都買唔到，最後朋友只有得個恨字，同時凸顯自己身份﹗

蔡嘉欣購入同款唔同色boots

蔡嘉欣介紹完手袋又介紹今季必入的兩款鞋，一對漆皮短boots及一對漆皮Loafer，蔡嘉欣更指因為太鍾意的關係，其後買了同款不同顏色的boots用來襯女性化的打扮，蔡嘉欣激讚款式唔怕過時，大推特推﹗其後蔡嘉欣又豪氣話：「跟住介紹兩對boots，係有錢都買唔到㗎喇﹗因為已經買唔到﹗」

蔡嘉欣曬Chanel年度必買item 無懼拜金誇口有錢都買唔到 — 蔡嘉欣先購入手上漆皮boots，因為太鍾意而再購入身後肉色同款鞋：「用嚟襯啲女性化嘅裙﹗」（圖片來源：蔡嘉欣YouTube影片截圖）

蔡嘉欣入行兩年一直被封拜金女為有米新歡狠飛舊愛出自白文爆料圖洗底

有份參演新劇《智能愛人》的蔡嘉欣，前年選港姐時已是當紅KOL，是非多多被揭一大堆黑歷史，有指她因拜金而狠飛拍拖數年的無綫藝人吳子沖，轉而結識現任有米ibanker新歡，日前她忽然在社交網的限時動態中出po為自己大平反！

27歲蔡嘉欣幕前工作不多，但周身名牌，被指拜金﹗（圖片來源：[email protected]）

男友租屋方便蔡嘉欣出入電視城

娛樂圈向來都是憎人富貴厭人貧，入行只有兩年的蔡嘉欣前年選港姐時已是當紅KOL，是非多多被揭一大堆黑歷史，有指她因拜金而拋棄無綫藝人吳子沖，並結識有錢ibanker新歡，男友更在將軍澳天晉租了一個月租近二萬五元的單位，方便她參選時出入將軍澳電視城。

蔡嘉欣近日在TVB新劇《智能愛人》中飾演奇點銷售部職員Joey張祖儀），不時大晒長腿。 — 蔡嘉欣近日在TVB新劇《智能愛人》中飾演奇點銷售部職員Joey（張祖儀），大騷長腿。（圖片來源：TVB劇照）

曾被指為了有米新歡撇大茄演員男友的蔡嘉欣，與ibanker男友拍拖三年經常出埠外遊，蔡嘉欣唔介意男友高調曝光，在IG狂晒二人親密合照。 — 曾被指為了有米新歡撇大茄演員男友的蔡嘉欣，與新歡男友Derek拍拖四年多經常出埠外遊，蔡嘉欣唔介意男友高調曝光，在IG狂晒二人親密合照。（圖片來源：蔡嘉欣IG）

蔡嘉欣日前忽然在社交網的限時動態中出po為自己大平反，她先是貼出一段有關網民指她「為識現任富貴男友而狠飛吳子沖」的報道，她說：「已經入行2年，相信大家對蔡嘉欣了唔深，我自己都學習了解自己多啲，從來都係一個唔喜歡解釋嘅人，所以藉住今次畀大家了解我多啲。」

蔡嘉欣忽然重提她「為識現任富貴男友而狠飛吳子沖」的舊報道，為自己大平反。（圖片來源：圖片來源：蔡嘉欣IG）

蔡嘉欣：「分手原因唔想去回憶」

她續說：「簡單來說，5年前我係被分手的，分手原因我都唔想去回憶，畢竟已經事過境遷，放下雖則放下但朋友是做不來的，至於現任，係分手後一段時間因為緣分而結識的。謝謝大家的關心和理解，我會繼續努力做好自己的工作！」

蔡嘉欣指與現任男友是在與前任男友分手一段時間後，因為緣分而結識的，她更大讚對方好細心。 — 蔡嘉欣指與現任男友Derek是在與前任男友吳子沖分手一段時間後，因為緣分而結識。（圖片來源：蔡嘉欣YouTube影片截圖）

澄清男友冇做過ibanker

蔡嘉欣曾拍片分享同男友Derek去酒店玩staycation時，亦有乘機在片中澄清Derek其實無做ibanker，而係做匯豐MT（管理培訓生）出身，之後跳過幾間銀行，職務比較接近業務銀行，cover過好多大型跨國企業，蔡嘉欣更指他以前幫公司搵幾千萬上落，不過現在他已轉行無再做銀行業。片中蔡嘉欣更透露兩人的初遇，是因為她在失戀後，被朋友帶去clubbing，而後透過朋友介紹認識。

蔡嘉欣 Derek自言已做了9年銀行工覺得太悶，因此決定轉行去摸索其他嘢。 — Derek自言已做了9年銀行工覺得太悶，因此決定轉行去摸索其他嘢。（圖片來源：蔡嘉欣YouTube影片截圖）

其實當年蔡嘉欣參選港姐時，被指「紅左之後拋棄舊愛去識ibanker」，已有網民立即幫佢澄清，話當年佢地一齊開網店兼同居，點知有一日男方突然講分手，搞到蔡嘉欣要喊住返娘家。後來睇IG留言，先知道原來係男方識咗第二個。

去年參選港姐即成頂頭大熱，蔡嘉欣打入五強後落選，有指是非纏身所致。 — 19年參選港姐即成頂頭大熱，但蔡嘉欣打入五強後最終落選，有指是因是非纏身所致。（圖片來源：新傳媒圖片庫）

舊愛有份參演新劇《七公主》

而她這個前男友原來是TVB藝人吳子沖（Felix Ng），曾是青少年節目《Y Angle》的主持，在新劇《七公主》中，也有份飾演劍擊手兼物理治療師張文豪。2016年兩人都仲有一齊去韓國旅行，仲好sweet咁去花花cafe。直到同年10月，蔡嘉欣一個人出走新疆，而她亦曾在一段訪問中表示出走原因就係因為同男朋友分咗手，估計當時她所講嘅就係吳子沖。

2016年蔡嘉欣曾與吳子沖一齊去韓國首爾旅行，食弘大花花cafe。 — 2016年蔡嘉欣曾與吳子沖一齊去韓國首爾旅行，仲好sweet咁去弘大花花cafe打卡歎美食。（圖片來源：蔡嘉欣YouTube影片截圖）

吳子沖自2017年加入無綫，一直被派演閒角，近日在新劇《七公主》飾演的張文豪，是他戲份最多的一個角色，上位速度明顯不及蔡嘉欣。（圖片來源：吳子沖IG）

工作機會遠超同年港姐三甲

雖然蔡嘉欣在2019年參選港姐大熱倒灶，但隨即被無綫睇中簽約成親生女，極速被安排加入扮靚節目《姊妹淘》做主持，更有份參演近日播出的劇集《智能愛人》、《金宵大廈2》、《飛虎之壯志英雄》及處境劇《愛‧回家之開心速遞》，工作機會遠遠超過同年港姐三甲黃嘉雯、王菲和古佩玲。近日她還有份在無綫重頭節目《開心大綜藝》中作為常駐班底參與演出，並將參加新節目《代溝關注組》。

蔡嘉欣姊妹淘 — 28歲的蔡嘉欣樣貌比實際年齡成熟，19年10月開始加入《姊妹淘》成為台柱主持之一，不過《姊妹淘》近日已停播。（圖片來源：無綫影片截圖）

入唔到三甲焉知非福，蔡嘉欣有得主持《姊妹淘》又有得拍劇，機會跑贏晒港姐三甲。（圖片來源：新傳媒圖片庫）

呻無錢做首期上車但一櫃名牌袋

在蔡嘉欣的IG內，幾乎每日都拎不同名牌手袋，絕大部分都係Hermès同Chanel，有數得計總值肯定超過五十萬，不過佢就曾在無綫的樓盤節目內大呻未夠首期上車，又話唔想畀一成首期供幾十年樓，節目一出即被明眼網民鬧爆佢啲名牌袋都夠畀首期。不過作為野心勃勃的港女，或者蔡嘉欣想買幾千萬以上的豪宅，區區幾十萬真係唔夠呢？與其賣袋換首期，冧男友送樓可能仲可行。