27歲蔚雨芯五官變靚 同徐若瑄撞樣 富貴搬住獨立屋全面曝光

撰文：東方新地｜圖：蔚兩芯IG、東方新地

蔚雨芯變靚同徐若瑄撞樣

蔚兩芯升呢做闆娘後，幕前演出變成興趣、副業，身為美容業老闆，自己都愈變愈靚，近年分不同階段變靚，近日更由闊臉變成臉尖尖，更神奇是連五官都大變化，網民驚訝完全認唔出是蔚雨芯，留言指：「以為後生嘅徐若瑄」、「仲以為徐若瑄啲寫真相出土㖭」、「P圖太重手定又變靚？」。

蔚雨芯富貴搬住獨立屋全曝光

蔚兩芯經營美容用品生意，聲稱生意早已上了軌道，去年公司舉辦周年晚宴，更重金邀請人氣偶像姜濤任嘉賓﹗疫情下，蔚雨芯生意並未受影響，工作以外，大部分時間陪家人四圍遊玩及出海享受日光浴，相當寫意﹗最近蔚雨芯透露「屋企house」正在裝修，又表示裝修後便會house warming，無意間透露搬住獨立屋，住得獨立屋非富則貴﹗

蔚雨芯呻做藝人付出同收入唔成正比

蔚雨芯透露轉營做生意，是因出道一段日子，做過歌手拍過劇同電影，但辛苦付出卻不為外界知道，她說辛辛苦為一個表演苦練一隻舞，練足一周，但都不及貼張美照的like數，所以令她萌生轉行念頭，最初由轉做KOL網上賣貨開始﹗不過蔚雨芯話不會放棄唱歌夢想，但不能當正職，並豪氣話：「或者將來自資出碟，依家有啱嘅劇或演出，我都會接嘅，絕對係為興趣﹗」

蔚雨芯低調箍鑽石筍盤 生活升呢做老闆娘

蔚雨芯擁有34D「魔鬼胸」，17歲便入行做歌手，轉眼入行已經九年，雖然唱歌、拍劇都未有代表作，不過，識揀男友又是另一種本事，人生同樣可以愈變愈精彩。

蔚雨芯被傳秘撻大馬超級富二代

蔚雨芯18年被指撻著大馬超級富二代，男友姓鄭年約三十歲，家族資產盛傳高達千億，鄭父更獲封「丹斯里」銜頭！不過，每次被問戀情都大耍太極，未有公開談過富貴男友，但富泰生活就現晒形，及後曾宣告分手。

出埠坐頭等

據知情者透露：「有傳Rainky男友係莊思敏介紹，但其實佢係喺大馬嘅工作活動上結識對方，因為男友喺大馬家族顯赫，屋企人又好低調，Rainky箍到鑽石筍盤，當然好小心保護愛苗，唔想有任何差池，入唔到豪門就真係大件事！雖然低調拍拖，不過男友好錫佢，怕佢坐飛機辛苦，每次Rainky 飛大馬探男友，對方都安排佢坐頭等機位，唔想女友喺娛圈咁大壓力，又打本畀Rainky搞美容生意，等佢輕鬆做老闆娘！」

生活升呢胞弟Benz接送樣貌再進化

前年蔚雨芯一掟百萬投資美容產品生意，去年更在荃灣開設二千呎的美容公司，生意愈做愈大，生活升呢十級跳，除了由公屋進駐千萬豪宅，名牌包包換個不停，就連個樣都再進化，她曾在個人社交網狂po近照，除咗愛晒34D魔鬼身材，樣貌一樣好吸睛，雙眼皮大眼睛、加上高鼻樑、緊緻下巴，五官輪廓同以前分別極大。

蔚雨芯拍劇為興趣

蔚雨芯轉型從商愈戰愈勇，演藝事業已變成副業，只間中拍劇或上節目過吓癮，早前，她由胞弟駕駛車價近50萬的Benz座駕接載入電視城，與工作人員傾合作事宜，身穿針織連身短裙身材玲瓏浮凸，雖然只是斜孭住一個LV小手袋，簡單晒行頭，老闆娘身份今時唔同往日，有本錢將工作當成興趣，點睇都已經大不同！