葉蒨文正式出道做歌手？突曬一張相騷有料實力 56字回應「新發展」

葉蒨文正式出道做歌手？56字回應「新發展」

Sophie接受媒體訪問透露並非出歌同出道做歌手，而是為新年澳門花車巡遊作準備錄賀年歌：「今次我都係第一次去錄音室錄歌，感覺都好特別，到時我會同丁子朗，張振朗，吳偉豪，姚焯菲，莊子璇，六個一齊做花車巡遊。」

她自言喜歡唱歌，但甚少公開演唱：「自己都係匿埋唱多，不過上次幫Archie（冼靖峰）宣傳佢首歌都有清唱幾句，希望之後有機會都可以唱下歌。」

問到Sophie對唱歌有興趣，有否上堂學習？她說：「之前都學過幾堂，同埋最近我識咗謝東閔，因為佢開唱歌學校，都有同我分享唱歌心得，所以我都好多謝佢。」

葉蒨文與冼靖峰的驚喜合作

葉蒨文與冼靖峰12月中合作拍攝節目《潮流生活誌》，兩人原來是第一次合作，她寫道：「第一次同Archie合作，睇在佢有請姐姐我飲咖啡嘅份上，決定幫佢宣傳吓的佢首新歌啦，送首勇氣畀你哋，提早祝大家過一個Merry Christmas！」冼靖峰也有回應：「你真係超級好人！多謝您～～～～ 同埋你唱得好好啊！」

合唱《勇氣》獲讚人靚聲甜

葉蒨文的歌聲獲得了眾多網民的大力讚賞，許多人驚訝於她「人靚」之餘仲有「聲甜」，紛紛留言表示：「果然係葉蒨文，唱歌堅係好聽，音準超好！」、「樂壇欠你一個膠袋」、「原來叫葉蒨文都係唱得嘅，好好聽」、「估唔到葉蒨文唱得幾好喎」、「唱得太好， 應該學過及有成日練習，可以放心去登台」、「其實搵你唱劇集既主題曲咪仲好」。

網民狂推合演《愛回家》

有網民希望二人可以出一首合唱版的《勇氣》，更有網民建議冼靖峰客串《愛回家》，仲為他安排好角色，就係飾演葉蒨文的前度：「呢個組合好好，有冇機會Archie 客串一集愛回家呢」、「兩位好聽又好襯， 有無機Archie 客串愛回家做Candy ex」、「兩位靚仔靚女都幾襯，希望多啲合作機會」、「估唔到Sophie唱歌咁好聽，希望可以同Archie多啲合作」等。