萬千星輝頒獎典禮2024｜一文睇清災難造型 胡定欣「登基裝」慘遭網民連環恥笑
萬千星輝頒獎典禮2024目錄
陳貝兒狂扯禮服副乳無所遁形
陳貝兒今日以黑色禮服現身，不過服裝就似乎有啲唔啱身，陳貝兒喺行紅地毯時不斷扯胸前嘅部分，更意外令副乳無所遁形，被唔少人稱睇到都好尷尬！
陳貝兒之後亦大方回應：「鬼鼠位真係好難減」，其後獲網友平反：「一樣咁靚女」、「健康就好了」。她亦在自己IG曬出靚相，高貴不失性感，性感不俗氣！
何沛珈髮型裝飾慘變村姑頭
向來在紅地毯都仙氣現身嘅何沛珈，今日就慘被髮型裝飾累事，睇落有啲似樹葉嘅裝飾品搞到何沛珈成個髮型大扣分，令唔少網民都直言好可惜！
朱凱婷紅地毯著上身險走光
朱凱婷一到場後就已經十分牙煙，皆因佢落車時似乎因為禮服開衩太大，搞到差啲走光！不過朱凱婷嘅服裝就被網民嘲笑係「將紅地毯著上身」，同色系禮服就算大騷身材上陣都搞唔掂！
張馳豪《揸流灘》風玩懷舊
《聲夢傳奇》出身嘅張馳豪（Aska）今日就以疊穿式西裝現身紅地毯，不過長款西裝再配黑色開窿手套就被指年代感十足，更引來網民爆笑問係唔係借咗《愛回家》劇中劇《揸流灘》嘅服裝登場！
林景程驚變過期聖誕樹 事後出Po認衰
獲提名最佳男配角嘅林景程今日以綠色西裝示人，不過西裝上嘅抽象風色彩配搭，再加埋內襯嘅黑白色恤衫，被唔少網民嘲笑炒曬車，更遭稱係一棵「過期聖誕樹」林景程事後出Po解釋：「同埋好對唔住借衫俾我既@bettiebespoke，我真係好鍾意件外套，但係我自己又手痕著左件好花既衫喺裡面🤦🏻♂️不停有人讚外套好靚但裡面件衫太花搞壞左成件事🤦🏻♂️🙂我諗下次都係全身都交俾佢地自己唔好亂黎」
阮浩棕西裝鈕釦位置好尷尬
阮浩棕今日以偏紫紅色西裝登場，真空上陣嘅阮浩棕就被網民恥笑西裝上嘅鈕釦「好出戲」，而且位置仲識分尷尬，睇落好似露點咁……
龔嘉欣超暴露缺點登場
獲提名視后嘅龔嘉欣今晚就以紅白色薄紗禮服現身，不過工間嘅禮服就似乎將佢嘅缺點完全暴露，被唔少網民狠批睇落似大肚婆之餘，就連體態都出晒事！
胡定欣黃金聖衣勁似登基
同樣獲提名視后嘅胡定欣，今晚嘅服裝可以話係全場最矚目，皆因佢以全套金色服裝登場，似足黃金聖衣嘅服裝更被唔少網民爆笑留言問「今日係咪要登基？」
傅嘉莉變樣上陣冇睇頭
傅嘉莉今晚以白色仙氣禮服登場，但係今年嘅服裝比起去年就似乎冇乜睇頭，不過網民關注嘅焦點就落咗喺傅嘉莉變樣出場上，更紛紛留言表示唔認得！
重溫：炎明熹「紅鶴裝」嚇窒全場
18歲的Gigi炎明熹，與JW王灝兒一同孖住出席，2人下身透到爆，不過Gigi的造型實在太過破格，上身黑色bra加白色恤衫，下身竟然配上艷紅色的絲襪和羽毛，與紅地氈撞晒色，將JW的透底look比下去！不過，網民都表示睇唔明：「造型師毁掉GIGI 」、 「GIGI好肉酸」、「搞乜呀」、「致敬紅鶴 flamingo」 、「露底喇！唔記得著褲？」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
