萬千星輝頒獎典禮2023｜視帝3甲馬國明Like數領先 大合照企位有玄機！

視帝3甲馬國明Like數領先 大合照企位有玄機！

今年兩大獎項均競爭激烈，視帝寶座組別，憑《破毒強人》「毒王」文華一角打入10強的陳豪，由於是次無論頹爆造型、沙啞聲線或是變臉式演技均有很大突破，加上角色勁有記憶點、亦正亦邪，自劇集播出後已被力指是今屆視帝大熱。不過隨著台慶劇《新聞女王》成為年度熱播劇，在劇中飾演「心計佐治」的馬國明亦不容忽視，在早前無綫官方社交平台專頁公布的「男主角」10強名單中，馬國明所贏得的Like數便力壓陳豪及其他入圍者排名第一；排名第三的則是憑《隱形戰隊》入圍的陳山聰。大合照當中，3位大熱人選並排在中間位置，明顯被看高一綫，不是靠邊站的角色，網友相信屆時亦會是這3位候選人之爭！

TVB萬千星輝頒獎典禮2023丨馬貫東林子善「黑鬥白」

男配角方面，《隱形戰隊》絕對是林子善的代表作，為子善贏盡好評之餘，更為他樹立了「超級喊包」形象，這或許亦是子善能夠憑相關角色年頭Hit到年尾的主因。「男配」最多人Like第三位則是憑《破毒強人》杜飛一角成為大熱的馬貫東。林子善以一身全白暗花西裝影宣傳照，同馬貫東一身全黑西裝出戰，形成強烈對比，相當有睇頭！

是次男配角之爭可謂百花齊放，除了以上三名大熱，還有資深實力演員鄭子誠、張頴康、鄧智堅，又有與山聰一樣同為視帝級的譚俊彥，以及後起之秀何廣沛、吳偉豪、吳業坤，令人更期待頒獎禮當晚賽果。

TVB萬千星輝頒獎典禮2023丨《新聞女王》三大男配爭獎

在早前無綫官方社交平台專頁公布的「男配角」10強名單中，憑《新聞女王》中輕度弱智爸爸角色入圍的陳山聰，同樣打入最多人Like三甲兼排名第二，雖然山聰這個客串角色贏盡好評，不過最終仍未能鍊贏憑《隱形戰隊》入圍的林子善。

早前無綫娛樂新聞台直擊兩個組別拍攝場刊靚相現場，貴為今屆男配大熱之一的林子善，笑言並不是最睇好自己奪獎：「入到十強，個個都強！我唔投（畀）自己，雖然我想，但我又好欣賞某啲演員，佢未必同我好熟，好似馬貫東咁，我直情當面同佢講，我好鍾意睇你演戲，所以我今年投咗畀佢。」

而已是第三度殺入男配十強的馬貫東，對獲獎與否抱平常心，但坦言對今年成績感到滿意：「因為出街嘅角色同以前畀觀眾睇到嘅好大分別，同埋我咁大分別後觀眾都咁接受，我自己都好開心。」而首度提名男配的吳業坤，則指看好《新聞女王》的陳山聰：「我見住佢演嗰場戲，好犀利！佢係趕收工過咗嚟後，即刻演呢場戲。佢真係每個take都係用盡100%（功力），我要向佢好好學習。」

TVB萬千星輝頒獎典禮2023丨單立文入視帝十強以為大整蠱

至於男主角造型拍攝現場，則以單立文最搞笑，他透露被通知入圍男主角10強時一度以為被大整蠱，又大爆老婆胡蓓蔚唔開心：「我以為公司搞呢個騙案呃我，到我老婆話website登晒喎，又有人恭喜我喇，我先開始相信。我老婆點？佢唔開心呀，佢驚我攞咗之後會唔要佢，佢好有危機感。」