【萬千星輝頒獎典禮2020】視后大熱龔嘉欣奮鬥史！有線出身？14歲做Model三點式曝光

文：東方新地｜圖：新傳媒圖片庫

《萬千星輝頒獎典禮2020》視后大熱 龔嘉欣 14歲做Model

龔嘉欣（Katy）在今次《萬千星輝頒獎典禮2020》中，同時憑劇集《殺手》入圍「最佳女主角」及以《香港愛情故事》入圍「最受歡迎電視女角色」獎，龔嘉欣初出道時只為人熟悉的是她在08年參演無綫青春劇《盛裝舞步愛作戰》做「四葉女」，但唔講唔知，原來在加入無綫之前，只有17歲的龔嘉欣便擔任過有線財經資訊台、體育台、世界盃等節目主持。

《萬千星輝頒獎典禮2020》 龔嘉欣：拍《殺手》留低好多後遺症

今年31歲的龔嘉欣原來不經不覺已經入行13年，今次首度憑劇集《殺手》入圍「最佳女主角」，同時憑《香港愛情故事》角逐「最受歡迎電視女角色」獎，她在拉票時講到眼濕濕，直言自己在TVB由零開始，一步一步捱到現在，又哽咽說：「我拍完《殺手》兩年，仲留低好多後遺症。」

龔嘉欣放棄大學入演藝

原來早在14歲時，龔嘉欣已開始投身Model界，拍過不少廣告，到17歲讀中六時，她更放棄升讀大學的機會，改為報考演藝學院，學習演戲和唱歌，細細個已目標明確，一心勇闖娛樂圈。

視栢芝為偶像

當年在訪問中龔嘉欣直言自己在唱歌方面的偶像是容祖兒，而演戲方面的偶像是張栢芝，她笑言：「我曾經喺片場見過栢芝做戲，當日見佢未Roll機前同工作人員笑到好開心，但係一埋位佢就即刻收拾晒心情，淚如泉湧咁拍呢場戲。由嗰刻開始我就決定要以佢為目標，希望可以好似佢咁叻，以實力嚟證明畀大家睇，唔再做花樽！」

默默拍劇13年

08年19歲的龔嘉欣拍完《盛裝舞步愛作戰》後，就離開有線簽約成為無綫親生女，至今默默拍劇13年，終於升呢做女一，備受觀眾讚賞之餘，更首次問鼎視后大獎，成為今屆視后大熱門，真係恭喜晒！

《香港愛情故事》龔嘉欣 龔嘉欣、羅天宇飾夫妻 勁多激烈床戲

龔嘉欣在2020年尾發力，劇駁劇，只有12集的《香港愛情故事》更同首次做男一的羅天宇有大量床戲，兩人指劇中床戲地點包括有時鐘酒店和太空艙，令他們大開眼界，但龔嘉欣大呻由於房間太細、工作人員太多，又焗又熱令她全程狂飆汗，一拍埋身戲就搞到成身都黐笠笠！