萬千星輝賀台慶2024｜炎明熹未「解凍」繼續無影 去年3表演兼企C位極受捧
廣告
《萬千星輝賀台慶》將於今晚（19日）假將軍澳電視城舉行，作為TVB每年嘅盛事，今年台慶更有超過300位藝員出動！唔少藝人最近都忙於彩排台慶表演，不過自出道以來就獲力捧嘅聲夢小天后炎明熹（Gigi）就未見蹤影，去年台慶勁強勢有3個表演嘅Gigi就似乎仲未「解凍」……
TVB台慶2024｜炎明熹未「解凍」繼續無影
炎明熹早前陷離巢風波導致出鏡率大減，近期更可以話係連影都冇。就連台慶咁大嘅活動，事前進行彩排時都未能發現炎明熹嘅身影，似乎係仍未獲「解凍」。而且今年台慶更將有《聲夢傳奇》與《中年好聲音》合作嘅表演，作為《聲夢傳奇》第一季嘅冠軍，唔少人都十分關注到底炎明熹最後會否現身！
TVB台慶2024｜炎明熹去年3表演發展超強勁
炎明熹去年於《萬千星輝賀台慶》中共有3個表演，除咗分別孖《聲夢傳奇2》冠軍任暟晴（Jasmine），以及與《聲夢》隊友合唱外，仲獲安排獨唱，簡直係備受力捧！不過今年被雪嘅炎明熹能否於台慶出現，就仍然係個謎！
萬千星輝賀台慶2021｜李克勤壓軸登場
於2021年為無線第一屆《聲夢傳奇 》做導師的李克勤，在《萬千星輝賀台慶》尾聲壓軸登場，獻唱首首經典金曲，為台慶帶來最高潮！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：youtube@TVB USA Official、ig@yiminghay
