萬千星輝賀台慶2023｜吳業坤憶述曾扮棋辛酸史 曾志偉用《無間道》對白回應

TVB台慶2023｜憶述9年前台慶扮棋

吳業坤從2014年在台慶上扮演棋子開始講述他的故事：「記得2014年嘅時候，台慶監製同我講，佢話會做一件好靚、好隆重嘅棋子衫畀我著，依家睇番都唔錯呀，當年就係行咗呢幾步，好多人開始關心我。佢哋問我，做乜要接呢單嘢？有乜理由要做棋呀？當時我冇乜難受感覺，仲覺得好好玩，出鏡次數可能仲多過獎門人（曾志偉）。我喺呢行一直玩玩吓，事業上無行前過半步，但喺2015年，我擲骰仔擲到個6。當年，我點擲都係6，我行得好快，喺好多頒獎典禮攞咗好多獎，喺紅館開自己嘅演唱會。當年我打錯字，眼鏡起霧，大家都會討論好多日，但係行得幾快都好，都會跌落一個陷阱，跌番落嚟。當時有把聲音同我講『吳業坤你有乜嘢理由可以上到呢個位呀？』。13年過去，人夫都做埋，我終於明白要認真對待你嘅事業，觀眾先至會認真對待你。玩玩吓嗰個坤哥已經唔喺度，剩低嘅係腳踏實地嘅吳業坤！」

TVB台慶2023｜曾志偉眼濕濕

講到這裏，台下的曾志偉感動到眼濕濕，吳業坤對曾志偉講：「獎門人呀，當年係你幫我擲骰，你可唔可以幫我再擲多一次？」最後坤哥更請曾志偉為自己「擲骰」決定前途，結果曾志偉望住鏡頭留下當年《無間道》名對白：「人生條路要點樣行，係你自己揀嘅，你自己擲啦！」吳業坤繼續說：「如果你問我，9年前會唔會再著呢件衫，我會，因為冇當年嘅呢一隻棋同當年嘅小角色，唔會成就到今日嘅我。」

TVB台慶2023｜吳業坤：有乜好怕姐

坤哥事後在IG上載與當日的棋子服裝合照，並發文寫道：「當你可以從容去講番過去嘅事，就證明你已經長大了，其實有乜好怕姐！」

吳業坤去年娶老婆 收心養性專心事業

去年吳業坤成家立室，買樓娶了日本太太做「人夫」，對於太太懷孕生龍B的傳聞，坤哥解釋原來係一場誤會，更爆太太的月事剛來，坤哥說︰

「可能她穿鬆身衫，加上燈光問題才引起誤會。多謝大家關心，我們這兩天收到很多祝福。」

孝順阿媽、吳業坤開心回應生B大計

提到生B大計，今年33歲的坤哥表示他希望兩年後才當爸︰

「我想生屬蛇的BB﹗我生肖屬馬，跟屬蛇的人比較合拍。」

另外，日前他就在社交網出po，貼出同坤媽的合照，以及坤媽分別拿著生日蛋糕和壽包的照片。吳業坤在帖文中表示：

「雖然人不在港，但努力搵錢養家，生日快上，福如東海，壽比南山，過幾年先抱孫！」

似乎係用「搵錢養家」做理由，要坤媽等多幾年！

TVB台慶2023｜3年前曬金牌

吳業坤加入無綫十年獲頒發十年金牌，出席《無綫長期服務暨傑出員工頒獎禮》還包括有獲頒廿年金牌的阿叻陳百祥，由行政總裁李寶安親自頒授金牌，各高層都有出席，場面看來相當盛大。

TVB台慶2023｜吳業坤被勸參加《造星》

吳業坤獲得十年金牌，即在社交平台騷畀大家睇，並留「考大家知唔知塊金牌有乜意義？」獲過千多個留言，不過九成九都唔係戥坤哥高興，而是嘲笑他把十年青春就此浪費，紛紛叫坤哥離巢外闖，更提議他過檔近來成為無綫勁敵的ViuTV，又叫他下次參加《全民造星4》。

TVB台慶2023｜坤哥被重提台慶扮棋之辱

網民重提吳業坤在2014年台慶扮棋一事，指他在大台冇甚發展，只會繼續被忽視，更有網民恥笑他「有冇諗過發展棋藝，下次做中國象棋定圍棋？」。同時亦有網民指無綫十年金牌連狗牌都不如，網民即留言「狗牌都有名，佢（坤哥）個塊冇㗎」吳業坤晒十年金牌呃like不成，反被網民派嬲同瘋狂恥笑，被圍笑圍插的坤哥，未有回覆，繼續沉默。

TVB台慶2023｜吳業坤為追歌手夢入行卻拍劇多過唱歌

回看一心想當歌手的吳業坤，10年參加《超級巨聲2》獲得第五名而入行。16年頭的頒獎禮是其豐收年，在《勁歌》奪得「最受歡迎新人金獎」，並憑〈原來她不夠愛我〉得勁歌金曲獎，上台演出時泣不成聲，成為經典之一。同年在商台《叱咤》頒獎禮一口氣摘下三個大獎，包括生力軍金獎、我最喜愛的男歌手和憑〈原來她不夠愛我〉奪得我最喜愛的歌曲大獎，成為頒獎禮大贏家，上台不但喊到扯蝦，身穿直條西褲的坤哥，下體現激凸，被指興奮過度，一度成為佳話及其代表作。
16年以最出道年資最短僅十六個月在紅館開個唱的坤哥，開完個唱後似乎無以為繼，在無綫拍劇多過唱歌。過去一年都是以拍劇為主，月前拍畢的新劇《異搜記》、間中上《流行經典50年》翻唱老歌，而非宣傳新歌，難怪被網民指浪費十年青春。