莊子璇獲郭晉安教打網球 撒嬌賣口乖讚Daddy好好 網民起哄：安仔第二春

莊子璇獲郭晉安親自指導打網球

日前莊子璇在社交網分享打網球的片段，並發文：「有Daddy教學，係唔同啲嘅﹐受益匪淺，你畀個PAYME我，過番教練費畀你！」，片中見子璇原來獲《金》劇演其父親的安仔親自指導，難怪她亦非常用心學習。 其實安仔有多年打網球經驗，「波友」有鄭嘉穎及黃智賢等。

莊子璇大讚：Daddy好好冇鬧我

子璇在事後接受媒體訪問時坦言：「我係第一次打，我本身識打羽毛球，但網球就未打過。Daddy好好，但我都仲未好識！」當被問到是否有被爸爸鬧過時，她笑著回應：「冇呀！佢好有耐性教我哋，佢真係打得好好。」

網民起哄：安仔第二春

對此，唔少網民都非常關心安仔離婚後嘅生活，見到佢同莊子璇打網球，不禁起哄：「安仔第二春」、「一齊研究下球技」、「想同佢打羽毛球」

郭晉安和歐倩怡曾是模範夫妻，但今年5月兩人突然在社交網宣布離婚，結束他們18年的婚姻生活。日前接受傳媒訪問時，歐倩怡談及離婚後都要賣車慳錢，不過網民洗版式留言狂鬧，郭晉安亦表示「佢嘅嘢你問返佢。」去年10月是他60大壽的日子，郭晉安與他合作新劇《金式森林》演員，以及多位圈中好友慶祝，群星拱照熱鬧過台慶！

視帝視后群星拱照熱鬧過台慶網友大讚：替郭生高興

從郭晉安在限時動態分享的影片所見，安仔之前曾被質疑「膠樣」，現在精神飽滿，靚樣重現！郭晉安開心連切兩個蛋糕，不停雙手合拾感謝大家，合照時又做出登六手勢，合照中見到黃智賢，王祖藍夫婦、胡定欣、楊茜堯、羅子溢、馬國明、鄭子誠等，不少網友大讚：「替郭生高興」、「靚仔咗唔少」、「活得比你好」