艾粒捲土重來再開騷捱負評網民直言唔識欣賞 評價同「軟硬」差天共地
艾粒宣佈開騷加場負評滿載
日前有網民在社交平台發文，指不解為何曾經公開調侃余迪偉取向的艾粒可以再開騷，更狠指二人「低俗當有趣」：「完全唔明點解有人仲會幫佢哋開騷。大家仲有印象，2023年艾粒開騷，攞迪偉嘅取向嚟公開玩。低俗當有趣嘅嘢，大家受夠啦。一個崩都唔會支持。」
網民留言狂插：完全唔識欣賞呢兩條友
大批網民都留言表示同意，指艾粒出道多年來毫無進步，搞Gag唔好笑又尷尬：「咁多年都唔鐘意佢哋」、「好唔鍾意呢兩件，冇料扮四條」、「公然性傾向歧視商台同事，竟然乜事都無」、「有時聽商台，聽到聖艾粒預告，發覺佢兩個真係冇進步，仲停留向廿幾年前啲爛gag……阿芝、蘭西已經升左去另一個層次」、「今次係嘲笑迪偉，抑或又扮係女人？」、「商台版福錄壽」等。
艾粒開騷公然取笑余迪偉性取向
艾粒成員少爺占同當奴去年起於九展Star Hall舉行一連四場《Part2 ! 王鳳女士XYZ 銀河道士大匯演》，當中一part公開商台同事余迪偉浸溫泉照片，寫上「迪偉同你浸溫泉」，引發余迪偉極度不滿，在完騷後幾個鐘，公開怒斥艾粒觸犯性取向歧視同埋職場歧視，真係玩出火！
艾粒令余迪偉大怒 凌晨出po鬧爆
與艾粒是同事多年的商台DJ余迪偉在騷後在社交平台留言表示常不快，留言指：「Enough is enough！你哋都玩咗咁多年啦，我都冇出聲咁多年啦，你哋都有頭有面有地位，仲玩 ？呢張相係我IG嘅，有冇經過我同意上你哋個大台去賺錢呢 ？呢單嘢係性取向歧視同埋職場欺凌！」字裡行間完全Feel到余迪偉有幾嬲，其帖文亦有加「@」通知阿占及當奴兩位始作俑者。
艾粒笑余迪偉笑足多年
其實多年來艾粒無論做節目或開騷，都有拿「迪偉後花園」及「迪偉俱樂部」作為話題，不過今次玩大咗，他們在開騷前把一張余迪偉赤裸上身浸溫泉照片放在大螢幕，並打上「迪偉同你浸溫泉」的字眼，當作過場娛樂在場觀眾，但原來艾粒事前並未經余迪偉本人同意借用照片，忍足多年的余迪偉終於爆seed。至於余迪偉認為艾粒的行為有職場欺凌之嫌，是因為當奴唐劍康效力商台多年，已升做叱咤903節目副總監，身為電台高層被指有恃無恐。
網民力撐余迪偉 直斥艾粒技窮唔識尊重人
余迪偉公開控訴艾粒後，網民見迪偉發火都留言力撐，但亦有網民誤以為艾粒笑余迪偉多年，以為當事人不介意，甚至是好friend，亦有網民懷疑余迪偉是假嬲，幫艾粒做宣傳。點都好，鬧艾粒的聲音都好澎湃，網民留言「呢兩條友，bad taste、技窮」「呢兩條友玩左迪偉同梁文禮咁多年，根本呢代人仲歧視當講笑，呢兩個人要負好大責任」「 如果要用人哋張相， 其實真係應該要問一聲」「佢兩個經常係節目笑迪偉，以為佢哋好friend，原來搞錯咗……」，網民幾乎一面倒支持余迪偉，更提議去平機會提告。
艾粒Part2無新意Hea做
有網民指艾粒向來都係得幾招，開騷多年亦技窮，愈來愈呃飯食，今次除了少爺占扮女人、當奴扮道士，仲有幾Part Hea扮Anson Lo同COLLAR跳唱，甚至扮參加Fist Take大唱《First Love》，不過每節都好散亂，真係唔係人人識欣賞。今次艾粒擺余迪偉上台吸嬲成功，唔知第二晚仲敢唔敢繼續講余迪偉個後花園呢？
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
