艾粒開騷｜余迪偉不滿被公開溫泉照發文怒轟：仲玩？附5大Hea位激嬲觀眾

Q: 艾粒為何曾發生職場欺凌事件？

早前艾粒於九展Star Hall舉行一連四場騷，當中一part公開商台同事余迪偉浸溫泉照片，並寫上⋯⋯ 詳情請看

Q: 商台因咩原因暫停梁文禮三個月主持職務？

商台DJ梁文禮被網民揭發他在社交網私人賬號多次發文批評多位音樂人，包括⋯⋯ 詳情請看

Feb 27 2023

艾粒成員少爺占同當奴，昨晚(9日)起於九展Star Hall舉行一連四場《Part2 ! 王鳳女士XYZ 銀河道士大匯演》，上次Part1好認真咁表演，今次又回復玩嘢無厘頭本色，當中一part公開商台同事余迪偉浸溫泉照片，寫上「迪偉同你浸溫泉」，引發余迪偉極度不滿，在完騷後幾個鐘，公開怒斥艾粒觸犯性取向歧視同埋職場歧視，真係玩出火！

艾粒Part2無新意Hea

有網民指艾粒向來都係得幾招，開騷多年亦技窮，愈來愈呃飯食，今次除了少爺占扮女人、當奴扮道士，仲有幾Part Hea扮Anson Lo同COLLAR跳唱，甚至扮參加Fist Take大唱《First Love》，不過每節都好散亂，真係唔係人人識欣賞。今次艾粒擺余迪偉上台吸嬲成功，唔知第二晚仲敢唔敢繼續講余迪偉個後花園呢？

艾粒當奴今次扮銀行道士大講鬼故。 — 當奴今次扮銀河道士大講鬼故。（圖片來源：東方新地圖片）

艾粒當奴扮參加Fist Take大唱《First Love》。 — 當奴扮參加Fist Take大唱《First Love》。（圖片來源：[email protected] 商業電台）

艾粒艾粒扮COLLAR被指HEA跳好敷衍。 — 艾粒扮COLLAR被指HEA跳好敷衍。（圖片來源：東方新地圖片）

艾粒當奴自彈自唱Edan的《E先生連環不幸事件》，走音甩beat完全唔掂，真係聽到人耳朵流產。 — 當奴自彈自唱Edan的《E先生連環不幸事件》，走音甩beat完全唔掂，真係聽到人耳朵流產。（圖片來源：東方新地圖片）

艾粒仲有一part 笑男女藝人同名，話搞亂肥媽Maria Cordero同MC喎！ — 仲有一part 笑男女藝人同名，話搞亂肥媽Maria Cordero同MC喎！（圖片來源：東方新地）

艾粒艾粒的少爺占同當奴，昨晚9日)起於九展Star Hall舉行一連四場艾粒part 2演唱會。 — 艾粒的少爺占同當奴，昨晚(9日)起於九展Star Hall舉行一連四場艾粒part 2演唱會。（圖片來源：東方新地圖片）

艾粒令余迪偉大怒凌晨出po鬧爆

艾粒開騷反應向來熱烈，昨晚展開序幕的《Part2 ! 王鳳女士XYZ 銀河道士大匯演》，有不少圈中人到場支持，包括謝安琪及蘇麗珊，現場觀眾睇得好High，不過與艾粒是同事多年的商台DJ余迪偉就非常不快，他於昨晚凌晨在社交網留言：「Enough is enough！你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」字裡行間完全Feel到余迪偉有幾嬲，其帖文亦有加「@」通知阿占及當奴兩位始作俑者。

艾粒艾粒未經余迪偉同意在社交裝拎他浸溫泉的照片放上大銀幕，令余迪偉大怒公開鬧爆。 — 艾粒未經余迪偉同意在社交裝拎他浸溫泉的照片放上大銀幕，令余迪偉大怒公開鬧爆。（圖片來源：Facebook@余迪偉截圖）

艾粒余迪偉愛去日本旅行，每次都會影靚相，估唔到溫泉照會被艾粒放上大銀幕。 — 余迪偉愛去日本旅行，每次都會影靚相，估唔到溫泉照會被艾粒放上大銀幕。（圖片來源：IG@dikwai）

艾粒笑余迪偉笑足多年

其實多年來艾粒無論做節目或開騷，都有拿「迪偉後花園」及「迪偉俱樂部」作為話題，不過今次玩大咗，他們在開騷前把一張余迪偉赤裸上身浸溫泉照片放在大螢幕，並打上「迪偉同你浸溫泉」的字眼，當作過場娛樂在場觀眾，但原來艾粒事前並未經余迪偉本人同意借用照片，忍足多年的余迪偉終於爆seed。至於余迪偉認為艾粒的行為有職場欺凌之嫌，是因為當奴唐劍康效力商台多年，已升做叱咤903節目副總監，身為電台高層被指有恃無恐。

艾粒余迪偉與艾粒在商台共事多年，因為艾粒經常取笑余迪偉，故外界以為三人是Friend底。 — 余迪偉與艾粒在商台共事多年，因為艾粒經常取笑余迪偉，故外界以為三人是Friend底。（圖片來源：IG@dikwai）

艾粒廾為商台節目副總監的當奴，被指有職場欺凌之嫌。 — 廾為商台節目副總監的當奴，被指有職場欺凌之嫌。（圖片來源：東方新地圖片）

網民力撐余迪偉直斥艾粒技窮唔識尊重人

余迪偉公開控訴艾粒後，網民見迪偉發火都留言力撐，但亦有網民誤以為艾粒笑余迪偉多年，以為當事人不介意，甚至是好friend，亦有網民懷疑余迪偉是假嬲，幫艾粒做宣傳。點都好，鬧艾粒的聲音都好澎湃，網民留言「呢兩條友，bad taste、技窮」「呢兩條友玩左迪偉同梁文禮咁多年，根本呢代人仲歧視當講笑，呢兩個人要負好大責任」「如果要用人哋張相，其實真係應該要問一聲」「佢兩個經常係節目笑迪偉，以為佢哋好friend，原來搞錯咗……」，網民幾乎一面倒支持余迪偉，更提議去平機會提告。

余迪偉會見傳媒：真係夠喇咁多年

於今日下午約四時許，余迪偉於商業電台召開記者會，他提到自己本來無打算捧艾粒場，但有朋友看了演出，並把台上照片傳了給他，有感而發所以在網上撰文：「真係夠喇咁多年。」余迪偉續謂：「我身邊都有好多朋友受到例如職場、性別身份認同嘅欺凌，我自己曾經喺2018年嘅騷都講過一單設身處地嘅事情，就係我曾經有個Ex，後尾成為好朋友，佢亦都因為承受唔到呢啲歧視壓力，係職場被人玩、屋企人嘅歧視等等，佢租咗間屋然後燒炭自殺死咗。我到咁多年都係耿耿於懷，雖然我平時開咪談笑風生，我係一個好無所謂嘅人，我做人亦都係非常之光明磊落，但係經過今次之後我覺得我嘅嬲，唔單止係要為我自己發聲，我亦都要為一眾受到任何歧視嘅人發聲。」

事件驚動高層余迪偉已大方原諒

被問到是否已經原諒當奴和阿占，余迪偉：「我梗係會原諒佢哋啦，始終一齊做嘢，但原諒還原諒，嬲都會完嘅，但係歧視係唔會完嘅，所以我希望籍住今次出咗呢個post話俾大家聽，It’s about time to stop，enough is enough，希望唔會再有下次。」他指在昨晚已經收到對方的短訊道歉，指往後會把該部份的演出剪走：「我覺得佢哋嘅道歉係真誠同有心嘅。」講起當奴已是商台的高層，會否怕得罪？余迪偉則指：「都要面對，行出嚟講平權嘅人都會有啲不幸，但係話我勇敢都好，我覺得係要做。公司好支持，話個兩個嘢係玩過份咗，希望你原諒佢啦。」

當奴IG出Post道歉承諾剪走演出

當奴於今日下午，在其IG發出道歉帖文：「就日前艾粒騷以過去環節文化節拍重溫一事而闖出的禍，令當事人迪偉先生受到冒犯，我們鄭重地衷心向迪偉先生道歉。感謝迪偉大人有大量，得知你已接受道歉，我們萬分感激。我們會更改餘下場次節目內容，並承諾以此為鑒，日後會更加小心顧及所有人感受。我知道錯了，對不起。」商台DJ如朱薰、梁文禮等都有留言送上心心表示支持。