40歲胡杏兒疫境帶囝硬闖嘉年華 老公燶面陪玩零幫手

撰文、圖片：東方新地

四年抱兩的胡杏兒，不經不覺，大仔Brendan李奕霆快將兩歲半，細仔Ryan李奕 霖亦已經八個月大，婚後母愛氾濫的她，揚言生夠三個，誕下大仔後享受做媽媽更相 當捱得，湊仔不假手於人，亦努力工作賺奶粉錢，名副其實多功能老婆，細仔Ryan上 年七月初出世，杏兒未坐滿月已經唔怕辛苦出關出席活動，八月更飛美國登台，生完 一樣冇停手，為兩子勞碌儲定教學基金。

胡杏兒因疫情影響停工

不過，近日新冠肺炎肆虐，藝人工作量大跌，向來勤奮的杏兒亦受影響，雖然被 迫停工，但她亦趁機享受留家湊仔樂，雖然一直有奶奶幫手湊仔，但對兒子錫到燶的杏兒唔會只假手他人代勞，對兩個仔照顧非常周到，得意Brendan更愛黐實媽咪。學校 停課延至四月，留家弄兒為樂的杏兒變忙碌阿媽。據知情者透露：「雖然細仔Ryan已 經八個月大，但仲食緊人奶，杏兒想個仔健康啲，諗住餵人奶到囝囝一歲大先至 停，餵人奶始終比較攰亦好忙，依家Brendan停課，杏兒就忙上加忙，因為Brendan 除 咗返幼兒班，平日仲有返Playgroup ，但依家全部停晒，日日留喺屋企，佢都驚停課太 耐個仔會心散，喺屋企都有陪個仔睇多啲圖書，keep住學習。」

兒子閉關太耐扭計出外玩

廿四孝媽咪唔易做，兒子閉關太耐，杏兒又擔心阿仔外出活動唔夠，何況小朋友 向來坐唔定，長期困喺屋企難免悶到扭計。據知情者透露：「Brendan初初唔使返學，可以喺屋企玩不知幾開心，但時間耐咗，已經覺得好悶，杏兒為氹Brendan 開心，由大埔寓所揸車去中環嘉年華玩。」

日前杏兒拉隊出關勇闖小朋友最愛的嘉年華遊樂場，由於細仔只得八個 月，未有合適嘅遊樂設施啱玩，所以未有同行，當日杏兒聯同老公Philip（李乘 德），與杏兒奶奶及兩位男親友到達嘉年華，一班大人除了Philip個個興高采烈 陪Brendan在樂園玩攤位遊戲，及睇表演項目，同個仔糖黐豆的杏兒，更著上 母子裝襯到絕，又全程陪實囝囝玩，細心教個仔掟公仔，兩歲Brendan不時扭 媽咪抱，杏兒亦冇有怕經常抱起個仔在人堆穿梭，話晒Brendan 體重有番咁上 下，杏兒經常抱仔來來回回都非常吃力。

親友幫忙湊仔比老公更落力

老公Philip卻全程燶面更經常企開放空，將湊仔重責要老婆一力承 擔，好彩當日同行兩個男親友，經常主動照顧得意萌爆的Brendan，又有奶 奶幫忙推BB車，減輕杏兒負擔，期間Brendan到吹氣彈床玩樂時，更玩得 非常投入，搖搖擺擺兩頭行，跌低又自己爬番起身相當得意，杏兒和奶奶便 在吹氣彈床外不停揮手逗Brendan， Brendan口罩都玩到跣低移位，杏兒鎮 定為仔戴好口罩，亦未見時刻噴消毒用品，更一度冒險除口罩影全家 福，防疫意識略嫌鬆懈！