38歲胡定欣做part time陪月 抗疫不忘Keep Fit繼續靚
廣告
疫情嚴峻，全民居家避炎，真係悶到發霉個人仲好頹㖭！有傳將會同無綫約滿嘅胡定 欣，喺呢段沒有劇拍的日子，keep住出po為大家打氣，一時孖住crazy runner成員跑 步，一時又出片教做運動收大腿練翹臀，咁就避炎一樣有得繼續 fit 繼續靚啦！
撰文、圖片：東方新地
胡定欣無工開轉做part time陪月
暫時未有幕前工作，胡定欣自爆已搵到一份「 陪月 」part time 工作，就係身為大姑媽 嘅佢幫細佬湊 B！定欣喺 IG 留言：「 呢段時間冇工開冇收入，我好難得先搵到份 part time 陪月，不過呢份工係no pay，只有付出無限耐性同愛心，由於時間關係，好開心好開 心，我已經榮升……『 大姑媽 』恭喜胡家又多一名新成員，恭喜細佬弟婦，祝胡 B 身體健 康，肥肥白白，快高長大。」
避炎期間Keep住做gym Keep住靚
除咗陪月呢份筍工，胡定欣喺呢段避炎期間亦 keep 住做 gym 勤跑步，仲不時相約袁偉豪、陳山聰等人去跑步，日前又撞到佢趁住唔使開工去咗銅鑼灣修甲，唔止保養一副好 body，連纖纖玉手都要靚一靚。外傳視后約滿在即將會告別電視台轉投古天樂旗下，雖然當事人冇正面回應，不過春風滿面心情又靚，似乎信心爆棚好多大 計咁噃！
