伍詠薇重提老公兩度出軌直認失望 爆真心話：不如檢討吓自己有冇錯！

無隻眼開隻眼閉

伍詠薇跟現任丈夫練海棠已相識及結婚廿多年，二人人前恩愛，但多年來，練海棠曾兩次被指出軌，對上2016年一次，伍姑娘更代為向公眾道歉。伍姑娘早前接受商台節目《1圈圈 星光背後》訪問，伍姑娘再被問練海棠二度出軌嘅事，她說：「我冇隻眼開隻眼閉！如果係嘅話，你會睇到出我係唔舒服，點解要咁做？有啲人係會死頂，但係我唔會！」

伍姑娘話第一次睇完啲出軌相，真係毛管戙咁起雞皮，嗰陣都大家都有傾過呢個問題：「其實我自己都有啲責任，因為慣住做嘢，少咗時間陪佢。」

到咗2016年老公第二次出軌，伍姑娘更代老公向公眾道歉，坦言感到很心痛及失望。伍姑娘話：「我同佢講：『走唔甩啦！唔係我睇到，係記者發現！』不過真係好心痛、好失望。但係老公係自己揀，與其諗係咪佢錯晒，不如檢討吓自己有冇錯。我信呢件事係真，但事情發生咗，大家坦誠溝通後，睇吓可唔可以再一齊行落去！」

另外，伍詠薇透露89年參選亞姐，其後與相差31年的首任丈夫翁江培於90年結婚，但婚後13天，翁江培於陪同她到深圳登台期間心臟病發猝死，當時她年僅21歲：「那時結了婚十多日，丈夫和他的家人及幾位朋友陪我去登台。那時我還未唱完，我先生突然離場，我以為他想出去呼吸新鮮空氣、去一下廁所。怎料唱完後，家人就跟我說：『他突然不舒服、喘不過氣來，現在正在去醫院。』到達醫院，已經看到在進行心臟電擊搶救，之後醫生跟我說：『這個人已經離開了。』太突然加上當年太年輕，不懂反應！」

事後一直有傳伍姑娘繼承咗逾億遺產，伍姑娘話：「根本冇呢件事，嗰陣周圍嘅人都做編劇，試過有啲唔識嘅人，喺條街鬧我八婆，真係有苦自己知，依家見我嬉笑怒罵，其實係嗰幾年鍛煉返嚟！」

結婚廿多年，二人經歷過不少風浪，老公之前曾兩度出軌，伍姑娘也選擇包容，本刊更曾拍到伍姑娘趁住有時間有拖住老公練海棠去戲院睇戲拍吓拖。

睇戲都有得睇，女人29加一要有披肩暖水壺自我保養，已年過五十的伍姑娘自然都有自己一套，戶外到戶內嗱嗱聲披番件披肩唔好畀自己冷親。

呢個時候老公練海棠好識做咁企喺商場大堂等埋老婆一齊行，呢對夫妻有幾恩愛之唔係由生活細節就睇得出！

拍戲還拍戲，始終都係現實生活最重要，所以忙完新劇宣傳，伍姑娘趁有空即約埋老公練海棠去睇吓戲拍吓拖。雖然婚姻曾出現過風浪，不過伍姑娘對老公同自己都充滿信心，仲自爆有唔少小鮮肉追求㖭﹗

兩公婆一齊買飛、一齊買零食準備入場，結婚十九年步伐一致睇戲喜好亦都一致。

睇番那些年舊照，伍姑娘真係爽朗又性感！

伍詠薇《飛虎之潛行極戰》扮細11歲黃宗澤阿媽

伍姑娘伍詠薇曾於《飛虎之潛行極戰》飾演黑社會的大家姐，角色令人印象深刻，就算同吳岱融做對手戲，都不失霸氣，獲不少網民大讚，不過要扮只比她細11歲的黃宗澤阿媽，其實一向保養得宜、keep得又靚，就算伍姑娘唔介意、觀眾睇都未必投入到劇情。