《繁花》收視成年度「倒數第一」網民力數7大失望位 TVB奧運前改播XX片

《繁花》收視成年度倒數第一 衰過《東張西望》《反黑英雄》

《繁花》在中國大陸播出後大受歡迎，然而在香港的收視率卻遠低於預期。根據TVB收視率調查，過去一週的平均收視率僅維持在10％左右，與TVB自製劇平均收視率相比，只有約一半觀眾願意收看，收視率成香港年度倒數第一。更令人震驚的是，《繁花》的收視率不僅低於2023年翡翠台播出電視劇的最低紀錄，而且與熱門劇集《新聞女王》相比，觀眾數量少了近一半。根據6月30至7月1日的收視率，《繁花》最高收視得15點，而其他熱門節目《東張西望》最高收視24.2點，《反黑英雄》有24點，有觀眾開玩笑說，《繁花》似乎正在創造TVB的另一種奇蹟：「最貴的價格，最低的收視率。」

網民力數7大問題

不少網民對於《繁花》於TVB收視低迷原因表示因為太遲播出以及無廣東話配音問題：

1. 轉播時機輸蝕

「要睇嘅人上煲劇網睇曬啦，tvb遲過人仲要無配音」、「人哋年頭播 你年中先播 想睇一早睇哂」

2. 國語配音失真

「套嘢係上海話 連普通話都係配音」「普通話配音做乜要係TVB睇先？」

3. 王大導說故事技巧不乎合師奶劇觀眾預期

亦有網民表示本來就唔係個個都識欣賞王家衛，更力數4大問題如場景、演員、畫面拍攝方法、背景音樂、以及故事題材沒有共鳴

4. 故事時空跳躍

「王家衛佢啲場景不論日頭夜晚，室內定室外啲演員塊面都會反晒光，啲演員演技、服飾同場景都極造作 然後啲畫面明明可以一個鏡頭影晒，硬係要飛來飛去咁影」

5. 背景音樂離地

「個背景音樂仲要係交響樂，你用番二胡啦大佬，成個畫面都同你講個世界好假，好難投入，故事幾好都無用」

6. 宣傳策略牽強

「tvb啲宣傳想夾硬拉到香港人睇會有共鳴」

7. 《東張》走勢凌厲

連續劇式偵查奇情報導引人入勝，有時又郁手郁腳有動作場面，話題遠高於需要細味的精品式電視劇，難勉輸蝕！不過亦有人反駁指，係香港觀眾唔識貨，睇《東張》 睇到唔識欣賞好嘢，無美感。

繁花｜不設廣東話配音惹眾怒

TVB原計劃播放原版上海話版本，但由於官方拒絕，最終以普通話和上海話雙語播放，不設廣東話是這在TVB歷史上是一次前所未有的舉措。不少網民隨即留言怒轟TVB唔尊重觀眾：「係TVB冇資源，定係呢套叫做繁花嘅劇唔值得有廣東話配音？」、「冇粵語配音的外購劇，我寧願睇82台TVB Plus好過」、「沒配音，駛Q睇你無綫咩」、「完全唔尊重香港觀眾」、「香港電視台都唔用返廣東話？」

繁花｜網民踢爆TVB「講大話都唔識」

對於《繁花》不設廣東話配音一事，網民除咗留言鬧爆後，更有人踢爆TVB「講大話都唔識」：「《繁花》以上海話拍攝，上海話至係原版。所以《繁花》擺無記（TVB）播，第一聲道應該係上海話，第二聲道應該搵廣東話配音至係啊，因為香港播。」

網民更續指：「上網睇咗而家廣播節目規定，中文台可以播唔超過廣播時間10%嘅普通話節目，字面理解啫係1日24小時播放就可以有唔超過2.4小時嘅普通話。所以上海話唔可以攞第一語言。但又好認同你既然普通話都係配都係唔原汁原味都可以配，點解王大導又唔俾配粵語呢。」

同場加映：TVB勁Kam操作 播完繁花改播紀錄片

另一方面，翡翠台晚間劇集時段破天荒播出野生動物紀錄片《森林女王》接捧《繁花》，配音陣容係一班《新聞女王》嘅演員。從7月15日起，逢星期一至五晚間21:30至22:30播出該紀錄片的前10集，而後兩集則安排在8月和9月的周末黃金時段播出。對此，有網友鬧爆「原片係幾年前嘅bbc 紀錄片Serengeti」、「一個人嘅旁述X改做獅子王咁嘅故事」，亦認為係一個侮辱Viu嘅做法：「睇死播舊紀錄片都可以喺黃金時段凌虐Viu」。