素海霖拒絕J2新節目邀請大爆向TVB「落閘」原因 網民讚夠晒真性情
素海霖一句婉拒上J2節目：我唔上TVB
素海霖日前於IG公開一段WhatsApp對話，對話內容為一名聲稱是TVB J2電視台的工作人員，表示正在籌備新節目，並希望邀請素海霖上節目當任嘉賓。不過素海霖收到訊息後就回覆道：「唔知你喺邊度拎我電話，另外我不上TVB的，多謝邀請。」素海霖將對話上傳到IG後，發文表示唔喜歡有人將其電話號碼隨便畀人：「其實真的很不喜歡無啦啦有人畀我電話人。仲試過我問返佢邊個畀佢，佢話唔方便透透露，咁點解佢方便透露我電話畀人。另外大家其實可以喺IG add我，我係會回覆。同埋正常嚟講，唔洗應該問咗當事人介唔介意畀電話其他人先嘅咩？」
素海霖透露不上TVB真正原因：唔希望被人打格仔
自從成為AV女優之後，素海霖一直受不同媒體平台邀請合作，素海霖亦曾經上過ViuTV《晚吹》、《喱騷》和《TO DO LIST》等節目做嘉賓。當有傳媒問到素海霖為何不願意上TVB，素海霖就表示自己風格比較直腸直肚，避免到時上TVB講錯嘢要幫佢打格仔。素海霖笑指：「我最好睇就係個樣，唔想被打格（笑 ，其他地方OK）。」
網民抵死建議超爆笑：可以搵湯洛雯
素海霖今次婉拒TVB J2節目的邀請，獲網民都大讚夠直率，紛紛留言表示「Respect」：「我係佢都唔上大台喇」、「J2 有後生仔睇？ 上去比呀婆睇？要上都上d 後生仔會睇既台啦」、「識玩呀條女」、「費事又好似李佳芯咁，無啦啦被打格」、「一陣嚇親啲老人家就唔好啦」等。網民更搞笑留言指：「其實J2可以搵湯洛雯試試，差唔多又就手」、「仲有陳瀅」等。
同場加映：馬國明訪問主動提起素海霖
有網民建議TVB J2搵唔到素海霖，可以搵同素海霖撞樣撞到十足十嘅湯洛雯代替。湯洛雯老公馬國明早前亦有在訪問中主動提起素海霖。其實馬國明過去曾坦白指自己並非純情處男，又表示自己用電腦多數都是睇波、睇新聞和上鹹網，獲外界大讚是真性情的真男人！不過如今馬明即將成為人夫，他竟然為了靚湯而犧牲自己的興趣，被記者問及有沒有觀賞港產女優素海霖（繪麗奈）的作品，他即面都紅晒兼耍手擰頭，強調「冇喇冇喇」，而且當時比較忙，所以無時間去欣賞素海霖作品再加上他已經有老婆，所以不會看，亦不需要再看AV！
素海霖Erena (繪麗奈)首部日本AV作品幾時正式面世？
素海霖最近易名為「絵麗奈Erena (繪麗奈)」，加盟日本某著名片商成為首位外藉洋將，日前已釋出預告片，全程講廣東話勁有親切感⋯⋯按此看：絵麗奈Erena首部作品預告曝光
素海霖Erena (繪麗奈)目前單身嗎？
素海霖Erena早前曾上ViuTV《戀講嘢》作嘉賓大爆情史，與男友各自出軌又曾經玩到入院，更強調現時⋯⋯按此看：素海霖上ViuTV自稱「暗黑港版王淨」
