法證先鋒5 | 糖妹殺夫爆喊演技獲激讚 同王敏奕Friend到被認錯係姐妹？

糖妹爆喊演技獲激讚

在《法證先鋒5》最新單元中，糖妹飾演的彭小薇由於丈夫無能兼不育而飽受壓力， 因失眠而服用有副作用的安眠藥，但因此患上夢遊症，於第19集在夢遊時用枕頭悶死丈夫丁志強，並於第20集承認行兇，當中有多場淚崩的演繹。其中在得悉丈夫是因為自己而離世的場面，糖妹悲傷痛哭的一幕，演技令觀眾眼前一亮，獲網民大讚有進步。

糖妹直指拍攝喊戲對她來說難度最高：「我係第一次要演認罪嘅人，而喊戲對於我嚟講不嬲都有難度。因為劇情係講我老公死咗，咁我要係咁喊，不過今次我順住劇本去做時，覺得比之前嘅喊戲易咗Handle，主要希望唔好喊得太樣衰。」

糖妹王敏奕因M Club結緣

在《法證先鋒5》中飾演好朋友的王敏奕和糖妹，在現實中亦是好姐妹。兩人從2014年《女人俱樂部》相識至今，感情非常深厚。

曾被誤認為兩姐妹

王敏奕和糖妹感情深厚，經常出雙入對。王敏奕在接受訪問時，曾經大爆兩人出街曾被多次被人誤認是兩姐妹。王敏奕笑指可能是因為高度問題，所以每次一齊出街都會被人誤會。糖妹亦表示早已視王敏奕為屋企人，是自己入咗娛樂圈之後意外的收穫。糖妹仲話如果自己下世是男人，一定會同曾國祥爭娶王敏奕過門！

王敏奕大數糖妹「3宗罪」

王敏奕曾經邀請糖妹上自己個人Channel拍片，片中提及到「糖妹會讓王敏奕抓狂的事」，王敏奕即刻寫下糖妹的「3宗罪」：「唔知醒、遲到、唔用防曬！」王敏奕講到非常勞氣：「呢個人呢人鐘意叫我哋啲friend叫醒佢，但佢又好鐘意較Silent Mode，有一次我又唔食早餐，又就咩都唔理，咁好趕咁衝咗過去開佢道門，原來最終佢都係做嘢嘅。」

經常向朋友Sell糖妹

節目中亦提及到「糖妹不喜歡什麼類型的男仔」，王敏奕一聽到問題就話：「我知道佢鍾意咩類型嘅男仔，好膚淺㗎咋呢個女人！我就覺得佢唔鐘意唔靚仔同冇身材嘅人。」王敏奕又話有段時間好擔心糖妹未能找到男朋友：「我成日同身邊嘅人講，我有個朋友單身咗五年，如果有一日糖妹結婚，我會好好多謝我自己。」睇嚟兩個人真係無所不談，講咩都唔嬲。

以糖兄妹出道後 轉型旅遊達人

糖妹與糖兄兩人組成的糖兄妹在2009年出道，當年剛出道勇奪多個新人獎的糖兄妹，在2014年之後一直少有一同公開露面，直至2019年才終於合體，推出幾首新歌。糖妹憑《女人俱樂部》成功入屋之後，一直有份《幕後玩家》、《使徒行者2》等多套電視劇電視劇。除此之外，亦成功轉型成旅遊達人，主持《度身訂造旅行團》、《輝哥為食遊》和《魔都女行》等多個旅遊節目。

糖兄轉型做幕後 投資6位數字開Studio

相反糖兄就已經淡出幕前，近年將工作重心放在做廣告和電影配樂上。糖兄在去年接受訪問時，亦有提及到正在與兩位拍檔準備開屬於自己的Studio，更大手筆投資了6位數字資金！