程人富冧樣宣布正式封盤 歌影視強勢發展成三棲YouTuber

程人富正式封盤做「程人夫」

程人富今日在社交平台宣布求婚成功的喜訊，並撰文表示：「我以後係佢嘅人喇」、「拍拖11年半之後，我哋決定以後都要喺埋一齊喇」，並附上一張攬實女友的照片，大騷婚戒之餘仲sweet到漏啊！程人富的好消息亦引來不少藝人留言祝賀，當中包括劉沛蘅、Marf、洪嘉豪、馮允謙以及黃淑蔓等等。大家除了恭喜程人富外，仲齊齊笑稱佢為「程人夫」！

程人富歌影視瓣瓣掂

程人富自2016年加入YouTube channel小薯茄後正式開啟幕前生活，並在將近8年間活躍於劇集、電影、舞台劇、主持以及音樂等範疇。當中包括不少觀眾耳熟能詳的作品，例如劇集《教束》、《IT狗》、《殺手廢J》；電影《飯戲攻心》、《逆流大叔》、《窄路微塵》等，更在小薯茄舞台劇演出《FINALLY嚟喇》後組成男團FINALLY，可謂是歌影視三棲瓣瓣掂！