社內相親｜首播5大看點 陳漢娜相睇超失控 盧瀚霆英雄救美鬧走「正印」
1.呂爵安盧瀚霆再繼前緣 被羅家英質疑拍拖
劇中姜德權（羅家英飾）不斷催孫仔姜泰武（盧瀚霆飾）結婚，而被多番拒絕後羅家英竟然問孫仔是否與章成勳（呂爵安飾）交往中。羅家英更要求呂爵安將西裝脱下，表示要檢查他身上是否有愛的紋身，這一幕亦令網民表示好似《大叔的愛》續集！
2.陳漢娜金髮濃妝相睇 行為超暴走
孫賀利（陳漢娜飾）在劇中代好友陳映書（沈殷怡飾）多次相睇，除了以金髮大濃妝去與盧瀚霆相睇外，亦有以不少搞怪的造型和行為與其他人相睇，希望可以幫好友嚇走所有相睇對象。而陳漢娜在劇中亦有不少爆笑對白，令觀眾表示靚女得嚟又夠搞笑！
3.盧瀚霆英雄救美 霸道擋開「正印」
劇中陳漢娜在酒店大堂被誤認喺小三，除了被人指住嚟破口大罵之外，仲差啲被人摑！在超混亂的情況之下盧瀚霆英雄救美，man爆幫陳漢娜擋開認錯人的「正印」！
陳漢娜收DM畀人叫做「賤女人」
而早前陳漢娜接受傳媒訪問時，拍攝這部劇時候，收到網民DM，並稱她是「賤女人」，但陳漢娜也解釋相信對方並非Anson Lo嘅Fans（神徒），也是一笑置之，「演員唔通唔接工作咩？好簡單大家都係做嘢。我真係唔會覆同埋真係攻擊唔到我㗎，我對得住自己囉做嘅所有嘢。做得呢個行業好似阿Lo同Edan都會受過唔同言語上或者網絡上攻擊，大家點樣處理，就係唔可以太過認真對待嗰啲Comments，專注自己工作同本份係最好，反而Focus咁多人哋點講反而會Lost。」
4.陳漢娜超搞怪性格獨得盧瀚霆心
陳漢娜以超失控的舉動代沈殷怡相睇，除了係盧瀚霆面前分享自己的「假體」們，仲邀請對方去開房。本以為可以嚇怕盧瀚霆，點知對方竟然表示非常喜歡她的性格，仲表示想同佢結婚！
5.微辣Hugo機械式對白
而今晚首播的另一個重點莫過於細佬孫浩民（陳建博飾），因為他正正就係出身自微辣的Hugo，雖然今集Hugo的戲份唔算多，但係有台詞的幾幕都被網民批評講到好似機械人，完全冇靈魂咁，成為首集的負評王。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
