《破·地獄》衛詩雅孖朱栢康苦練9個月破地獄儀式 網民勁讚超有氣勢

《破·地獄》衛詩雅從零開始下足苦功

為了演出文玥一角，衛詩雅從零開始花了長達9個月的時間，與朱栢康一齊去苦練破地獄中的多項複雜動作，當中除了上堂以外，衛詩雅亦經常在公園裡和回到家中練習，爭取時間下足苦功，務求在銀幕前呈現具說服力的場面，她說：「最驚係練唔練得切，因為確實好多師傅同我講，佢哋真係練咗成3、4年先做到。」

練習拋劍生意外險破相

自嘲手腳極不協調的衛詩雅坦言最難練的是拋劍，有一次練習時，她差點被落下的劍直插面前，幸好劍最後被她一手檔住，但她的手掌因此被刺穿，至今仍留有疤痕，她笑稱只有手部受傷而沒有破相，經已很幸運：「好彩我反應快，護住咗塊面。」這次意外令衛詩雅更警惕訓練時的每一個細節。

此外衛詩雅戲中職業為消防救護員，她除了運用曾擔任救生員的真實經歷，也比照正式救護員方式訓練體能，戲中扛起和她體重相差好幾倍的病患仍游刃有餘。

朱栢康彩排破地獄現靈異事件

而朱栢康在現實生活中身為虔誠基督徒，他自爆曾在走位彩排破地獄場次時，尚未點火卻突然視線模糊、看不清周遭的靈異事件，為此他請教友在正式拍攝時集體禱告，才讓他順利完成破地獄畫面。他因此而有所啟發：「當你願意放下有些執著或偏見，到離開人世的那一天，相對的也不會是痛苦的狀態，上天堂或破地獄都是對生命旅程的不同探討。」

網民勁讚衛詩雅：最後一場佢好有功架

網民睇完《破·地獄》後，都紛紛大讚衛詩雅最後破地獄一幕表現好出色：「最後一場佢好有功架！」、「衞詩雅那場跳破地獄真係跳得好漂亮」、「呢套戲最好睇就係尾段為佢老竇破地獄」、「詩雅身材不高大，但係跳破地獄嗰場更加令人感動」、「衛詩雅真係做得好好！嗰場戲拍得好靚！」、「有機會問鼎影后」、「跳過火盤呢場拍得佢好有氣勢」、「呢下我直情想拍手掌」、「衛詩雅同朱栢康兩位都做得非常好」、「個個演技一流，朱柏康演喃嚤佬入型入格」、「每個演員都係演技精湛，演活了每個角色」等。

衛詩雅憑電影《破·地獄》獲華鼎獎「華語最佳影視女演員」

去年憑《不日成婚2》首次獲香港電影金像獎「最佳女主角」提名的衛詩雅，近日憑電影《破·地獄》獲得第39屆華鼎獎「華語最佳影視女演員」，她自言非常激動，認為無論任何獎項，對她來會都是一個肯定及被看見的機會：「呢個獎對我嚟講太重要啦！對演員嚟講係一個肯定。亦都係提醒人哋：『我仲喺呢行㗎，大家可以搵我演戲。』憑《破·地獄》呢套電影得到嘅獎項即係代表大家好喜歡我哋嘅電影，所以好開心。」問到會否增加來屆金像獎提名的信心，她坦言：「感覺會實在啲，信心係高咗嘅。」

衛詩雅為角色每日做gym 長時間培養沉鬱情緒

電影《破·地獄》中，衛詩雅飾演一名救護員，她表示這個角色無論在體能及心理上都有很大發揮：「心理上嘅話就係大家睇過呢套電影就會明白嗰種沉鬱，長時間培養沉鬱嘅情緒，每日同屋企人好多矛盾、好多爭吵，所以嗰段時間係難過嘅；體能上亦都要做好多瞓練，因為角色係一個救護員，自己對呢方面要求比較高，好希望最貼近個角色，所以由嗰一刻開始我每日都去做gym，嗰段時間體能真係幾好，同埋大隻咗好多，經過呢啲瞓練，之後我真係可以『稱』到個人上救護床。」

最難忘許冠文敬業樂業態度

最難忘的是跟許冠文拍攝一幕洗澡戲，令衛詩雅學到何謂敬業樂業：「Michael神喺戲入面飾演我爸爸，有一場戲係我要幫佢沖涼，我記得拍攝嘅時候係冬天，好凍，所有劇組都擔心，佢反而話：『唔緊要㗎，你哋拍到OK先。』佢為我哋嘅畫面、劇情需要行先，好唔錫身咁樣，我又心痛，覺得好深刻又覺得好犀利，好尊敬佢，喺佢身上面絕對學到乜嘢叫做敬業樂業。」