直擊楊恭如富貴回流老銅打卡 廿萬行頭行到邊影到邊

原文刊於《東方新地》

楊恭如變觀光客老銅打卡

鏡頭前靚爆鏡，並非全靠濾鏡同化妝技巧，鏡頭後素顏與楊媽媽在香港街頭露面，一樣身材冇走樣，皮膚保持白晳幼滑，隨意戴頂CAP束條馬尾，容貌裝束竟然仍有少女感。唯一露餡的是隨身斜孭的鱷魚皮Hermès，保守估計廿萬上落，孭得上身自然身家有番咁上下。事業重心雖然放在內地，其實楊恭如名下依然持有跑馬地比華利山市值二千多萬的豪宅，兩母女周不時就會返港度假，身家非一般，不過楊恭如日常使費慳得就慳，在銅鑼灣行足半日戰利品不多，醫肚都係食平民茶餐廳，貪經濟又夠地道，飯後節目就係同楊媽媽你影吓我、我影吓你，不放過任何景點和商場擺設，然後試吓傢俬window shopping咁就一日。