盤點2025年10位極速上位TVB小花 有人捱足10年終攞獎 有人跑贏同屆港姐拍賀歲片
盤點2025年10位極速上位TVB小花 有人捱足10年終攞獎 有人跑贏同屆港姐拍賀歲片目錄
盤點2024年8位上位最快TVB小花
28歲 何沛珈 事業愛情兩得意
何沛珈（Roxanne）自2022年尾贏得《香港小姐再競選》冠軍及更上鏡小姐獎後，就備受TVB力捧，工作不斷！除咗去年先後在《寵愛Pet Pet》和《新聞女王》中演出重要角色外，更有唔少主持大型活動嘅機會。而何沛珈有份主持嘅《東張西望》更於《萬千星輝頒獎典禮2024中》奪得「最佳資訊及專題節目」嘅獎項，而緋聞男友阮浩棕亦成功獲「飛躍進步男藝員」一獎，可說在事業和愛情上都同樣風騷！
29歲 陳星妤 改名後成功升運
陳星妤（Yvette）本名陳詩琪，2021年以陳聖瑜之名參選港姐，到去年2月她以三點式上陣主持旅遊節目《吃貨橫掃曼谷》時，被發現已改名為陳星妤，她當時曾對本刊透露：「其實主要係想身體好啲，之前聖瑜個名係自己鍾意而改，後來屋企人搵咗個師父問過建議改， 寧可信其有之下就再改。」現在看來除了改善健康外，陳星妤改名亦成功提升了事業運勢，今年除咗有份出演重頭劇《法證先鋒6：倖存者的救贖》外，更首度踩入電影圈，於電影《手機見鬼》中飾演「凱麗」一角。
40歲 傅嘉莉 搣甩「邪花」形象終奪獎
傅嘉莉（Kelly）加入TVB不經不覺已有10年，傅嘉莉於劇集《反黑英雄》中飾演「陳珊珊」一角，其超貼地嘅「師奶」角色成功獲唔少觀眾大讚入型入格！傅嘉莉同年亦在劇集《法證先鋒6：倖存者的救贖》中有出色表現，演技更備受網民認可！雖然去年傅嘉莉在《香港人在北京》的演出成功擺脫了以往的「邪花」形象成功上位，可惜最後仍與獎項擦身而過，不過就於今年憑《反黑英雄》成功奪得「最佳女配角」！
27歲 郭柏妍 無懼緋聞影響
郭柏妍（Rosita）是2020年港姐季軍，雖然去年初受到同丁子朗的緋聞影響，被打破「A0女神」之名，但她繼前年奪得「飛躍進步女藝員」獎後，去年演出《逆天奇案2》、《旁觀者》、《妳不是她》及《飛常日誌》都有不俗表現！此外，郭柏妍仲有《奪命提示》、《麻雀樂團》、《金式森林》、《夫妻的博弈》等劇及電影《驅魔龍族馬小玲》待播，就連籌備中嘅重頭劇《新聞女王2》都有份，上位速度可說快過不少TVB小花！
30歲陳曉華 擔正做女主角機會多
陳曉華2018年參選港姐奪冠後入行，近年在唔少劇集中都有亮眼嘅表演，係TVB嘅人氣小花之一。陳曉華去年於台慶劇《巾幗梟雄之懸崖》飾演「桂花香」，以及於劇集《異空感應》中擔正做女主角，更於《萬千星輝頒獎典禮2024》奪得「飛躍進步女藝員」獎項。除咗在事業方面有出色表現之外，陳曉華去年更傳出早於2020年與朱敏瀚拍攝《迷網》時撻著，可謂係愛情事業兩得意！
26歲陳懿德 獲封「麥美恩接班人」
陳懿德2021年參選港姐，可惜最後8強止步，但仍獲TVB簽約。入行4年嘅陳懿德去年有唔少主持機會，並於《萬千星輝賀台慶頒獎典禮2024》中單拖擔大旗做司儀，更被網民封為「麥美恩接班人」！陳懿德除咗單拖做司儀外，更在頒獎禮上奪得「最佳女新人」嘅獎項，發展十分強勁！而陳懿德去年亦傳出與有「女神收割機」之稱嘅羅天宇秘戀1年，又係一位愛情事業兩得意嘅花旦！
36歲 蔡潔 擺脫「翻版李佳芯」之名
蔡潔（Jacky）前年在《法證先鋒5》首次擔正女主角，去年再於《法證先鋒6》擔任女主角，亦先後參演劇集《反黑英雄》及《廉政行動2024》，人氣持續上升。而以往一直被指是「李佳芯2.0」的蔡潔，更獲網民投票選為「2023年TVB最靚花旦排行榜」第1位，力壓第2位的李佳芯。此外，蔡潔更於《萬千星輝賀台慶2024》中抽到大獎，簡直係運氣爆燈！
32歲 吳若希 地位極速提升
近年重奪「星夢一姐」地位的吳若希（Jinny）入行15年，繼2023年主演台慶劇《香港人在北京》首度擔正做女一後，去年於劇集《旁觀者》及《奔跑吧！勇敢的女人們》亦有演出，當中於《奔跑吧！》更係孖住賴慰玲齊齊擔任重要角色，可見地位真係keep住上升！
23歲 郭珮文 火箭式上位
2023年落選港姐郭珮文（Juliana）因姣好身形獲網民封為「新一代TVB咪神」，Juliana選完港姐僅兩個月，已早過冠軍莊子璇率先跑出，在劇集《法證先鋒6》中飾演主角黃宗澤的下屬。郭珮文去年更有唔少出鏡機會，當中包括《福祿壽訓練學院》、《自駕德島》及《剪裁魔法師》等。除此之外，郭珮文今年更有份出演由王晶、葉念琛聯合監製兼執導嘅賀歲片《麻雀女王追男仔》，上位速度快到不得了！
38歲 高海寧 人氣再急升
加入TVB已有17年的高海寧可說是元祖級「TVB咪神」，雖然早就在《C9特工》等劇做過女一，但近年就憑《新聞女王》「許詩晴」一角人氣再度急升，更勇奪「最佳女配角」獎項！雖然高海寧去年僅於TVB參演《飛常日誌》，但係就在內地劇《半熟男女》有演出，以及有唔少綜藝節目中現身。高海寧今年亦有份出演賀歲片《麻雀女王追男仔》，發展十分強勁！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
