異空感應丨陳曉華黑絲透視裙大方派福利 大爆劇中呢個造型幾乎全素顏！

陳曉華黑絲透視裝豪派福利

陳曉華日前在社交平台上載多張新相，相中佢以黑絲配低胸透視裝出鏡，大派福利兼約定觀眾今晚繼續收睇《異空感應》。陳曉華大方騷事業線同長腿嘅靚相隨即引來唔少網民留言like爆：「性感得來好好看」、「你依家真係靚咗好多」、「長腿黑絲，美得犯規」、「踎低嗰張犯曬規喎」、「今次嘅福利簡直係冬日送溫暖！」

陳曉華拍劇幾乎全素顏上陣

陳曉華在《異空感應》一人分飾兩個時空的自己，為了方便觀眾區分，Hera跟劇組單是研究短髮造型也花了不少時間：「一嚟想有好大分別，二嚟係要諗短頭髮造型點樣可以型得嚟又爽朗，爽得嚟又可愛，呢度都揀咗好耐，因為短頭髮可以紮起啦、可以直短髮、可以再短啲，最後決定用呢個頭髮，係因為覺得佢真係好啱邢可嵐呢個角色嘅，我覺得最後個頭髮都幫咗我好多，令我都覺得自己係很可愛的一個女孩。」

Hera續指自己較喜愛長直髮造型，皆因夠晒「方便」：「嗰個造型我基本上冇乜化妝，每次化個底就得，化妝時間只需要五分鐘左右就搞掂，畫番個傷妝再笠個假髮就拍得架喇。」