子華神鬧爆？ 鄧健泓上ViuTV節目吐真言

原文刊於《東方新地》

ViuTV節目《晚吹》系列節目《晚吹-有酒今晚吹》

子華神邊聽歌邊皺眉

日前鄧健泓擔任《晚吹-有酒今晚吹》嘉賓，Patrick帶來一瓶vodka與主持分享，更透露曾於某年平安夜跟圈內好友黎諾懿，用了僅僅半小時就把這vodka整瓶喝光。不過依家就話酒齡有番咁上下，但他就大爆二十年前，自己仍是飲酒初哥，當時要錄一首描述一個男人在分手後借酒消愁的歌曲，當時正同黃子華合作《男親女愛》舞台劇嘅佢，就專登攞首歌畀子華神畀意見，點知就畀子華神鬧爆，失望而回。

當時子華神邊聽邊已皺眉，之後更說道：「你飲過酒未？你太後生，唔喺好適合唱呢首歌。」

講番出道二十四年的鄧健泓，當年參加「新秀歌唱大賽」加入無綫，出道冇耐，就執到好籌，同鄭裕玲同黃子華合拍《男親女愛》，當時劇集最高收視高開50點，鄧健泓亦因而受歡迎，當時他更同女拍檔原子鏸戲假情真，不過，依家兩人都已經各有幸福婚姻，鄧健泓同石詠莉亦於17年結婚。

Patrick更在鏡頭前對太太石詠莉（Sukie）發表愛的宣言，表面似是揶揄太太，實質上卻甜到漏：「我覺得我太太喺一個好奇怪嘅人，但我又好喜歡佢，所以我就同佢結婚。」Patrick又談到以前二人拍拖只會留在他家裡，不敢一起去逛街。