王祖藍嫌囡囡英文名難串 訂浮誇生日蛋糕串錯字
廣告
王祖藍同李亞男去年榮升做父母，生咗囡囡王天韻（Gabrielle），日前兩公 婆為囡囡搞咗個一歲生日party，點知生日蛋糕上個名竟然串錯咗，祖藍自嘲連個女嘅名都唔係好識串，呢個爸爸認真抵打！
撰文、圖片：東方新地
王祖藍囡囡一歲生日勁可愛「處女黨」好姊妹爭住抱
派對當日，祖藍孖亞男抱住囡囡滿場飛，著上白色裙仔紮住孖辮仔嘅 Gabrielle眼仔碌碌，愈大愈可愛，鼻仔同嘴仔最似爸爸。亞男嘅「處女黨」好 姊妹王君馨及苟芸慧亦有出席，並爭相抱抱兼錫錫壽星女㖭！
王祖藍嫌囡囡英文名難串 訂浮誇生日蛋糕串錯字
為慶祝愛女一歲生日，祖藍特別訂製咗一個兩層高、有旋轉木馬嘅生日蛋糕，不過蛋糕上囡囡個英文名竟然串錯咗，祖藍喺IG認衰：「一歲生日快樂！不過你個名真係太難串，搞到蛋糕姐姐都失手串錯咗，其實我都唔係好識串，大家唔介意可以稱呼佢Gabby，下次要改個簡單啲嘅英文名。」係囉，再生嗰時就要改個簡單啲嘅名喇！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
