「TVB御用惡人」王俊棠移居中山表演超落力 1場騷開呢個價月賺至少6位數

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會2025一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jan 9 2025

有「TVB御用惡人」之稱的68歲老戲骨王俊棠，近年憑《愛回家》中「池富」一角成功入屋，不過網民發現「池富」在近月已甚少在劇中出現，原來他已移居中山，日前更現身一場壽宴中勁賣力表演，密密吸金。

王俊棠壽宴又跳又唱做埋主持

現年68歲的王俊棠日前身著色彩繽紛的西裝，出現在一次大型壽宴中，同場還有「大軍」程東、莊思敏、趙永洪、袁潔儀、寶珮如、顏仟汶等香港藝人，王俊棠手上拿著一張卡紙邊睇邊讀，似乎正在擔任司儀，同時他還是表演嘉賓，賣力地又跳又唱張國榮的《Monica》，表現相當搶眼，將現場氣氛推向高潮。

王俊棠王俊棠一身花色西裝襯黃色裇衫，在壽宴上極搶眼。（圖片來源：抖音截圖） — 王俊棠一身花色西裝襯黃色裇衫，在壽宴上極搶眼。（圖片來源：抖音截圖）

王俊棠除了做司儀外，王俊棠又和一眾藝人一同賣力地又跳又唱張國榮的《Monica》。（圖片來源：抖音截圖） — 除了做司儀外，王俊棠又和一眾藝人一同賣力地又跳又唱張國榮的《Monica》。（圖片來源：抖音截圖）

被囝囝爆長駐內地「好好搵」

據悉，王俊棠每場壽宴的表演酬勞高達6萬人民幣，而他每月約接2、3場商演，還會做直播帶貨，因此月收入有接近20萬人民幣，王俊棠的細仔王東泰（James）早前被問到父親現時是否長駐內地時，就曾回應說：「佢（王俊棠）熱愛中國，如果香港冇咩事佢都想留喺內地，同埋好好搵。」

王俊棠王俊棠會做直播帶貨。（圖片來源：抖音@王俊棠） — 王俊棠會做直播帶貨。（圖片來源：抖音@王俊棠）

王俊棠王俊棠嘅細仔王東泰喺社交平台表示爸爸鍾意留喺內地。（圖片來源：IG@stupidjames） — 王俊棠嘅細仔王東泰喺社交平台表示爸爸鍾意留喺內地。（圖片來源：IG@stupidjames）

王俊棠王俊棠的兒子王東泰現年32歲，早在17歲時已入TVB做藝人，但2015年已離巢，現時以特約演員身份客串拍劇，亦有接模特兒嘅工作。（圖片來源：IG@stupidjames） — 王俊棠的兒子王東泰現年32歲，早在17歲時已入TVB做藝人，但2015年已離巢，現時以特約演員身份客串拍劇，亦有接模特兒嘅工作。（圖片來源：IG@stupidjames）

去年遭安德尊公開寸爆掛住賺錢

去年端午節龍舟賽事中，負責主持節目的安德尊在節目中公開批評被稱為「御用惡人」的王俊棠，指責對方在賽事中「黑口黑面」：「佢一人贏全家，一人累身家，佢累晒人地架，佢叫喊令人好炆，佢又扮大佬喎，佢今年係鼓手啦。鼓手應該要係畀香港小姐坐喺度，等我哋睇住香港小姐划啊嘛，佢嗱口嗱面咁，咁你點同佢拍住啊。」此外更聲稱王俊棠因忙於賺錢而缺席訓練：「你棠哥練水又練得少，人哋練11堂，你得3堂。淨係掛住四圍去搵食，你咁樣累咗啲同事，日日去練水。」對此王俊棠接受傳媒訪問時終於開腔反擊，指大王經常「口水多過茶」，又「成日吹水唔抹咀」！